له شارۆچكه‌ی بابا مۆنیر له پارێزگای فارس له باشووری خۆرئاوای ئێران، بوومه‌له‌رزه‌یه‌ك به گوڕی پێنج پله روویدا.
به پێی روونكردنه‌وه‌ی ناوه‌ندی بوومه‌له‌رزه‌ناسی زانكۆی تاران، بوومه‌له‌رزه‌كه كاتژمێر 01:05 به‌كاتی ناوخۆ روویداوه، كه ناوه‌نده‌كه‌ی شارۆچكه‌ی بابا مۆنیر-ی سه‌ربه پارێزگای فارس بووه.
بوومه‌له‌رزه‌كه له قوڵایی 10 كیلۆمه‌تر روویداوه.
به‌پێی میدیای ئێران، به‌هێزی بوومه‌له‌رزه‌كه كه له پارێزگاكانی فارس و كۆهگیلویه-بویه‌ر ئه‌حمه‌د هه‌ستیپێكراوه، هێشتا هیچ زانیارییه‌ك سه‌باره‌ت به روودانی زیانی گیانیی یان ماددیی بڵاونه‌كراوه‌ته‌وه.
کۆمێنت (0)
تا ئێستا هیچ کۆمێنتێک نەکراوە.