له میانه‌ی به‌شداریكردن له به‌رنامه‌ی رۆژه‌ڤی كوردستان سه‌باره‌ت به ره‌وشی ناسه‌قامگیری سیاسی و ئه‌منی له عێراق دژوار فایەق - چاودێری سیاسی رایگه‌یاند
كێشه‌ی عێراق زیاتر ده‌ستتێوه‌ردانی په‌رله‌مانه له كاری حكومه‌ت و هه‌روه‌ها سه‌روه‌ری عێراق له ده‌ستدراوه و هه‌روه‌ها وڵاتانی ئیقلیمی ده‌ست له كاروباری ئه‌و وڵاته وه‌رده‌ده‌ن . هه‌ندێك لایه‌نیش هه‌ن كیشه بۆ هه‌رێم دروست ده‌كه‌ن .
نیگه‌رانی خه‌ڵكی خۆیان له عێراق ، ده‌یانه‌وێت تۆڵه‌ی له هه‌رێم بكه‌نه‌وه و به‌ربه‌ست ده‌خه‌نه به‌رده‌م پێشكه‌وتنه‌كانی هه‌رێمی كوردستان .
وڵاتانی ده‌وروبه‌ر رازی نین به بوونی هه‌رێمێكی فیدراڵ و حكومه‌تێكی فیدراڵی ، هه‌وڵیش ده‌ده‌ن ده‌سه‌ڵاته‌كانی هه‌رێم لاواز بكه‌ن و سنوورداری بكه‌ن .
پارتی هه‌موو هه‌وڵێكی ئاشتیانه و به دانوستان خستۆته گه‌ر بۆ ئاسایی كردنه‌وه‌ی په‌یوه‌ندییه‌كان و گه‌راندنه‌وه‌ی شوێنه‌كان و ئه‌و ناوچانه‌ی ده‌ره‌وه‌ی ئیداره‌ی هه‌رێم به شێوه‌یه‌كی یاسایی له رێگه‌ی ئاسایی كردنه‌وه و ئامارو راپرسی . ئه‌وه سیاسه‌تی پارتی بووه تا ئێستا . پارتی عاملی سه‌قامگیری بووه له عێراق .
هه‌لبژاردن كه حكومه‌ت توانای پاراستنی خه‌ڵكی نه‌بێت ، ئه‌وا ئه‌نجامه‌كه‌ی باش نابێت و پێی ناوترێت هه‌ڵبژاردن .
له‌و باوه‌ڕه‌م كه هه‌ڵبژاردن ئه‌نجام نادرێت .
عێراق له بارودۆخێكی خراپی سیاسی و ئه‌منی دایه ، چاره‌سه‌ر هه‌یه بۆ ئه‌وه‌ی ره‌وشه‌كه چاره‌سه‌ر بكه‌ن ئه‌ویش جێبه‌جێكردنی ده‌ستووره ، به‌ڵام نایانه‌وێت ئه‌و كاره بكه‌ن .
دارشتنی : سوهێل تاهیر عه‌بدولڵا
کۆمێنت (0)
تا ئێستا هیچ کۆمێنتێک نەکراوە.