ئه‌ڤرو سپێدێ 23-5-2021 ب چاڤدێریا د.على ته‌ته‌ر پارێزگارێ دهۆكێ وب ئاماده‌بوونا رێڤه‌به‌رێ گشتى یێ ئه‌وقافێ وسه‌روكێ لقێ دهۆك یێ ئێكه‌تیا زانایان وچه‌ند به‌رپرسێن حزبى وئیدارى مزگه‌فتا ره‌یان ل تاخێ ئێتیتێ ل روژهه‌لاتێ باژێرێ دهۆكێ هاته ڤه‌كرن .
درێ ورسمێن ڤه‌كرنا مزگه‌فتێ دا لبه‌راهیێ مه‌لا ته‌ها چه‌ند ئایه‌تێن قورئانا پیروز خاندن.
پاش مه‌لا رێبه‌ر رێڤه‌به‌رێ ئه‌وقافا دهوكى په‌یڤه‌ك خاند وبخێر هاتنا مێهڤانان كر وده‌ستخوشى ل وان هه‌موو خێرخازاكر یێن مزگه‌فت ئاڤاكرى.
لدووڤدا محمد خالد محمد رێڤه‌به‌رێ گشتى یێ ئه‌وقافێ دپه‌یڤه‌كێدا سوپاسیا وان خێرخازا كر یێن كو مزگه‌فت ئاڤاكرى وخواست كو مزگه‌فت ببیته مینبه‌رێ گه‌هاندنا په‌یاما خودێ وپێغه‌مبه‌را وگه‌هاندنا په‌یاما پێكڤه ژیانێ وهه‌ڤدوو قه‌بولكرنێ .
پاش پارێزگارێ دهۆكێ دگوتاره‌كێدا ده‌ستخوشى ل وان خێرخازاكر یێن مزگه‌فت ئاڤاكرى وخواست كو نمونێن وه‌كو وان پتر هه‌بن بو ئاڤاكرنا مزگه‌فتا وقوتابخانا ورێك وبانا وپرۆژێن دى یێن خزمه‌تگوزارى.
هه‌روه‌سا ته‌كه‌زى ل سه‌ر ئاڤاكرنا مزگه‌فتا ب ته‌رزه‌كێ ئه‌ندازیارى یێ كوردستانى وب كوالیتیه‌كا باش كر كو هه‌ژى په‌رستنا خودبیت.
پارێزگارێ دهۆكێ ئه‌و یه‌ك ژى دیاركر كو دوژمنێن ملله‌تێ مه چ جیاوازى نه‌كریه هه‌مبه‌ر خرابكرنا گوند ومزگه‌فتێن كوردستانێ ول سالێن هه‌شتیان پترژ 2753مزگه‌فت هاتینه خرابكرن لێ پشتى سه‌رهلدانا 1991 ودامه‌زراندنا حكومه‌تا هه‌رێمێ وب هاریكاریا خێرخازا پێنچ شه‌ش هزار مزگه‌فت هاتینه ئاڤاكرن.
ل دوماهیێ گوت : بلا مزگه‌فت ببنه جهێ په‌رستنا خودێ وبه‌لاڤكرنا گیانێ لێبورین وپێكڤه ژیانێ وهه‌ر ده‌م پاقژ بهێنه راگرتن ورێنمایێن خو پارێزیێ ژنه‌خوشیا كورنایێ بهێنه بجهئینان .
هه‌ژى گوتنێ یه مزگه‌فتا ناڤبرى ل سه‌ر روبه‌رێ (1343) مترێن دووجاركى ژلایێ خێرخازان (د.اسماعیل محمد – حجى صدیق كوڤلى – حجى جمیل سپیندارى – حجى جمیل ئێتیتى ) هاتیه ئاڤاكرن .
کۆمێنت (0)
تا ئێستا هیچ کۆمێنتێک نەکراوە.