هێرشەكانى ئیسرائیل بۆسەر کەرتی غەززە کە لە 10ی ئایارەوە دەستیپێکردووە و بە راگەیاندنی ئاگربەست لەگەڵ حەماس کۆتاییھات، بووە ھۆی گیان لەدەستدانی 248 ھاووڵاتی فەڵەستینی.
ئاگربەستی نێوان ئیسرائیل و بزووتنەوەی حەماس چووەته بواری جێبەجێ کردنەوە و ئەمەش بووە ھۆی کۆتایی ھێنان بە پەلامارەکانی نێوان هه‌ردوولا.
وەزارەتی تەندروستی فەڵەستین لە کەرتی غەززە راگەیەندراوێکی نوێی لەسەر ژمارەی قوربانیانی ماوەی 11 رۆژی هێرشەكانى ئیسرائیل بڵاوکردەوە.
بەپێی راگەیەندراوەکە، ژمارەی ئەو فەڵەستینییانەی کە لە ئاکامی ھێرشەکانی ئیسرائیل گیانیان لەدەستداوە بۆ 248 کەس بەرزبووەتەوە.
لەو ژمارەیە 66یان منداڵ و 39 یان ژنن، ھەروەھا ھەزار و 948 کەسیش برینداربوون.
هه‌ر له شه‌ڕوپێكدادانه‌كاندا 12 ئیسرائیلی كوژران.
کۆمێنت (0)
تا ئێستا هیچ کۆمێنتێک نەکراوە.