پۆلیسی سلێمانی: تۆمه‌تبارێک ده‌ستگیر کرا که‌ کامیرای نهێنی فرۆشتووه‌

پۆلیسى سلێمانى دەستگیرکردنى کەسێکى بەتۆمەتى هێنان و مامەڵە کردن  بەچەکى بێ مۆڵەت و کامێراى چاودێرى نهێنى راگەیاند.

 ئه‌مڕۆ سێشه‌مه‌ 18 - 5 - 2021  به‌رێوه‌به‌رایه‌تی پۆلیسی پارێزگای سلێمانی بڵاوی كرده‌وه‌: دواى ئەوەى زانیارییان پێ گەیشتوە لەبارەى  تۆمەتبارێک کە چەكی نایاسایی ‌و بێ مۆڵەت ‌و كامێرایی چاودێریی نایاسایی هێناوەتە شاری سلێمانی، لێکۆڵینەوەیان دەستپێکردوە و توانیوانە تۆمەتبارەکە بدۆزنەوە و دەستگیرى بکەن، لەگەڵ دەستگیرکردنیشیدا دەست گیراوە بەسەر چەند چەکێکى بێ مۆڵەت و چەند کامێرایەکى چاودێریدا کە بەنیاز بووە لەناو شارى سلێمانیدا ساغى بکاتەوە.

پۆلیس راشیده‌گه‌ێنێت: تۆمەتبارەکە ناوى  (م، ع، ح)ە،  لەدایكبووی (1977) ە ودانیشتوى قەزاى رانیەیە.