فه‌رمانده‌یی ئۆپه‌راسیۆنه هاوبه‌شه‌كان رایگه‌یاندووه كه ئه‌وان پابه‌ندن به راسپارده‌كانی لیژنه‌ی باڵای ته‌ندروستی و سه‌لامه‌تی نیشتمانی سه‌باره‌ت به جێبه‌جێكردنی قه‌ده‌غه‌ی هاتوچۆ.
له‌مباره‌یه‌وه ته‌حسین خه‌فاجی، وته‌بێژبه‌ناوی فه‌رمانده‌یی ئۆپه‌راسیۆنه هاوبه‌شه‌كان به میدیای عێراقی راگه‌یاند: هه‌فته‌ی رابردوو لیژنه‌ی باڵای ته‌ندروستی و سه‌لامه‌تی نیشتمانی بڕیاریدا كه له‌رۆژانی جه‌ژنی ره‌مه‌زان و رۆژانی هه‌ینی و شه‌ممه قه‌ده‌غه‌ی هاتوچۆی رێژه‌یی ده‌بێت، كه له‌كاتژمێر پێنجی به‌یانی تا كاتژمێر نۆی ئێواره ده‌ستی پێده‌كرد.
هه‌روه‌ها وته‌بێژبه‌ناوی فه‌رمانده‌یی ئۆپه‌راسیۆنه هاوبه‌شه‌كان روونیكردۆته‌وه كه له ئێستادا قه‌ده‌غه‌ی هاتوچۆی ته‌واو له رۆژانی هه‌ینی و شه‌ممه‌ی هه‌موو هه‌فته‌یه‌ك ده‌ست پێده‌كاته‌وه و رۆژانی دیكه‌ش قه‌ده‌غه‌ی رێژه‌یی ده‌بێت.
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.