به‌هۆی رووداوێكی ته‌قه‌كردن له قوتابخانه‌یه‌كی رووسیا حه‌وت كه‌س كوژران و ده‌ی دیكه‌ش بریندار بوون.
میدیاكانی رووسیا بڵاویان كرده‌وه، به‌یانی ئه‌مرۆ سێشه‌ممه له قوتابخانه‌یه‌كی شاری كازانی پایته‌ختی كۆماری ته‌ته‌رستان له ناوه‌ندی رووسیا، به‌هۆی رووداوێكی ته‌قه‌كردن حه‌وت كه‌س كوژراون و ده‌ی دیكه‌ش بریندار بوونه.
سه‌رچاوه‌كانی فریاكه‌وتنیش ئاماژه‌یان به‌وه كردووه، تا ئێستا و به پێی زانیارییه سه‌ره‌تاییه‌كان كوژرانی حه‌وت كه‌س و برینداربوونی ده‌ی دیكه پشتراست كراوه‌ته‌وه.
هۆكاری ته‌قه‌كردنه‌كه تا ئێستا نادیاره و به وته‌ی پۆلیسی ناوچه‌كه‌ش یه‌كێك له هێرشبه‌ره‌كان كه ته‌مه‌نێكی كه‌می هه‌بووه ده‌ستگیر كراوه. دوای رووداوه‌كه‌ش بینای قوتابخانه‌كه چۆڵكراوه و به وته‌ی چه‌ند شایه‌تحاڵێكیش هه‌ر دوای بیستنی ده‌نگی ته‌قه‌كردنه‌كه، چه‌ند قوتابییه‌ك له ترسی گیانیان خۆیان له په‌نجه‌ره‌كانی قوتابخانه فڕیداوه‌ته خواره‌وه.
کۆمێنت (0)
تا ئێستا هیچ کۆمێنتێک نەکراوە.