له‌پریمه‌رلیگدا لیدز یونایتد سه‌رکه‌وتنی به‌سه‌ر تۆتنهام تۆمارکرد

 له‌ هه‌فته‌ی سی و پێنجه‌می خولی ئینگلته‌را، یانه‌ی لیدز یونایتد به‌ سێ گۆڵ به‌رامبه‌ر به‌ گۆڵێك له‌ یانه‌ی تۆتنهامی میوانی برده‌وه.
 یاریه‌كه‌ له‌ یاریگای ئایلاند ڕۆد له‌ شاری لیدز به‌ڕێوه‌چوو، له‌ خوله‌كی سێزده‌دا، یاریزان ستیوارت دالاس گۆڵێكی بۆ لیدز یونایتد تۆماركرد، پاشان هیونگ مین سۆنی كۆری گۆڵی به‌رامبه‌ری تۆتنهامی له‌ خوله‌كی بیستوپێنج به‌ده‌ستهێناو ئه‌نجامه‌كه‌ی یه‌كسان كرده‌وه.
 له‌ خوله‌كی چل ودووشدا، یاریزان پاتریك بامفۆرد گۆڵی دووه‌می لیدز یونایتدی تۆماركردو میوانداره‌كانی له‌ گێمی یه‌كه‌م به‌ دوو گۆڵ به‌رامبه‌ر به‌ گۆڵێك پێشخست.
 له‌ گێمی دووه‌م و له‌ خوله‌كی هه‌شتاوچواردا، ڕۆدریگۆی ئیسپانی گۆڵی سێیه‌می لیدز یونایتد به‌ده‌ستهێنا.
 به‌م بردنه‌وه‌ش كۆی خاڵه‌كانی لیدز یونایتد له‌ پله‌ی نۆیه‌می ڕیزبه‌ندی یانه‌كان بۆ په‌نجا خاڵ به‌رزبووه‌وه‌و تۆتنهامیش به‌ په‌نجاوشه‌ش خاڵ له‌ پله‌ی حه‌وته‌می ڕیزبه‌ندی دێت .