ڕاگەهاندنەک ژ ژوورا ئۆپەراسیۆنا پارێزگەها دهۆکێ ل دۆر قەدەغەیا هاتنوچوونێ درۆژانێن جەژنا رەمەزانا پیرۆز دا:
لدویڤ بەیانا وەزارەتا ناڤخۆ ۷ی گولانا ۲٠۲۱ بۆ رۆژێن جەژنا رەمەزانا پیرۆز، دگەل بەرچاڤگرتنا هەموو ڕێکارێن تەندروستیێ و هوشداریدان ژ هەلکێشان و زێدەبوونا هژمارا نەخوشێن کۆرۆنایێ و داخوازکرن ژ هاولاتیێن خوشتڤی کو خۆ ژ سەردان و چوونا مالا ب مەرەما جەژن و هەر مەرەمەکا دیتر و جهێن قەرەبالغ و چێکرنا قەرەبالغێ بدەنە پاش، ڤان بریارێن خوارێ ڕادگەهینین:
1ـ هاتنووچوون ل رۆژێن جەژنێ دگەل بەرچاڤگرتنا ڕێنماییێن خۆپارێزیێ ژ نەساخیا کۆرۆنایێ دێ ئاسایی بیت.
2ـ هەرجورە خڕڤەبوون و قەرەبالغی ل جهێن گشتی و گەشتیاری قەدەغەیە.
3ـ نڤێژا جەژنێ دێ هێتەکرن ب هەمان ڕێنمایێن پێشتر کو ل مزگەفتا دهاتنە پەیرەوکرن. داخوازێ ژ ماموستایێن یٔایینی دکەین هەر وەکو بەرێ ڕێنمایێن پێدڤی ل نڤێژا جەژنێ پەیرەو بکەن و نڤێژکەرا ژ مەترسیا کۆرۆنایێ یٔاگەهدار بکەنەڤە و چوونا دەستا ل مزگەفتێ قەدەغە بکەن.
4ـ هاتنووچوونا دناڤبەرا پارێزگەهێن هەرێمێ دگەل پارێزگەهێن عێراقێ لدویڤ بەیانا ژمارە (۱٥) یا سالا ۲٠۲۱ هەروەکو خۆ دێ قەدەغە بیت، بتنێ بۆ یٔەو حالەتێن کو د بەیانێدا هاتی دێ ڕێ هێتەدان.
5ـ هەموو یٔەو بریارێن دیتر کو د بەیانێن پێشتردا بۆ پاراستن و سەلامەتیا هاولاتییێن خوشتڤی هاتیەدان دێ وەکو خۆ مینن.
هیڤیدارین ب جێبەجێکرنا ڕێنماییێن ساخلەمیێ خۆ ژ جهێن قەرەبالغ بدەنە پاش و روژێن جەژنێ خۆش ببەنە سەر و خۆدێ مەزن روژی و نڤێژێن وە قەبول بکەت.
ژوورا ئۆپەراسیۆنا پارێزگەها دهۆکێ
۷ ی گولانا ۲٠۲۱
کۆمێنت (0)
تا ئێستا هیچ کۆمێنتێک نەکراوە.