هەوەکا هاریکاریێن مادی ل سەر خەلکێ کێم دەرامەت و دەستکۆرت ژلایێ پارێزگارێ دهۆکێ ڤە بێی راگەهاندن و برێکا دەڤەرداران دەستپێکر

ئەڤرۆ رۆژا پێنچشەمبی ب چاڤدێریا  “د.عەلی تەتەر” پارێزگارێ دهۆکێ هەوەکا بەلاڤکرنا هاریکاریێن مادی ل سەر خێزانێن کێم دەرامەت و دەستکۆرت ل سنۆرێ پارێزگەها دهۆکێ بێی بەرهەڤبوونا دەزگەهێن راگەهاندندنێ دەستپێکر و ئەڤ هەوە ل سنۆرێن هەمی قایمقامیێن قەزا دهۆکێ ب سەرپەرشتیا دەڤەرداران دێ هێتە برێڤەبرن.
دچوارچووڤێ بەرنامێ مەها رەمەزانا پیرۆز ژلایێ پارێزگەها دهۆکێ ڤە ب چاڤدێریا بەرێز  پارێزگارێ دهۆکێ، ئەڤرۆ رۆژا پێنچشەمبی هاریکاریێن مادی ل سەر 875 خێزانێن کێمدەرامەت و دەستکۆرت لسنۆرێ پارێزگەها دهۆکێ ب رێکا دەڤەردارێن قایمقامیێن پارێزگەها دهۆکێ دێ هێنە بەلاڤکرن، ژبلی هاریکاریێن مادی رۆژانە هاریکاریێن ئازوقەیی و ئاهێن خارنێ ل سنۆرێ پارێزگەهێ دهێنە بەلاڤکرن و سۆپاسیا هەر خێرخازەکی و چالاکڤان و خەلکێ خۆدان شیان دکەین یێن دڤان هەوێن خێرخازیی دا ل سنۆرێ پارێزگەها دهۆکێ بەژداربووین.