بەهۆی هێرشی چەکدارانی سەربە رێکخراوی تیرۆریستیی داعش بۆسەر کێڵگەی نەوتی بای حەسەن لە سنووری قەزای دوبز باکووری رۆژئاوای پارێزگای کەرکووک، یەک پۆلیسی نەوت و گاز کوژرا و یەکێکی دیکەش بریندار بوو.
سەرچاوەیەک لە کۆمپانیای نەوتی باکوور راگەیاند، کاتژمێر دووی دوای نیوە شەوی رابردوو، چەکدارانی سەربە رێکخراوی تیرۆریستیی داعش هێرشیانکردۆتە سەر کێڵگەی نەوتی بای حەسەن لە قەزای دوبز.
سەرچاوەکە باسی لەوەیشکرد کە لە ئەنجامی هێرشەکەی چەکدارانی سەربە رێکخراوی تیرۆریستیی داعش، کارمەندێکی پۆلیسی نەوت و گاز کوژراوە و یەکێکی تریش برینداربووە.
ماوەی هەفتەیەکە چەکدارانی سەربە رێکخراوی تیرۆریستیی داعش جموجۆڵەکانیان لە سنووری پارێزگای کەرکووک زیادی کردووە و لە میانی هەفتەیەکدا، پێنج هێرشی داعش بۆسەر هێزە ئەمنییەکان و پێشمەرگە ئەنجامدراوە.
کۆمێنت (0)
تا ئێستا هیچ کۆمێنتێک نەکراوە.