له وڵاتی ئه‌لبانیا پیاوێك،سه‌ركێشی به‌ژیانی خۆی كرد بۆ وه‌ستاندنی ئۆتۆمبیلی شۆفێرێكی سه‌رخۆش ، كاتێ خۆی هه‌ڵده‌داته نێو په‌نجه‌ره‌ی ئۆتۆمبیله‌كه ، له‌وكاته‌ی ئه‌و ئۆتۆمبیله ، به‌شێوه‌یه‌كی مه‌ترسیدار له‌جوڵه دابوو.
له گرته ڤیدیۆیه‌كه‌دا ده‌رده‌كه‌وێت ، چه‌ندین كه‌س هه‌وڵی ئه‌وه ده‌ده‌ن، ئۆتۆمبیله‌كه، بووه‌ستێن كه شۆفێره‌كه ماده‌ی كحولییه‌كانی خواردۆته‌وه، به‌جۆرێك سه‌رخۆش بووه كۆنترۆڵی خۆی له ده‌ست داوه، به‌ڵام هه‌وڵه‌كان بێ سوود بوون ، تا ئه‌و كاته‌ی كه‌سێك ژیانی خۆی ده‌خاته مه‌ترسی خۆی هه‌ڵده‌داته نێو په‌نجه‌ری ئۆتۆمبیله شۆفێره‌كه ناچار ده‌كات ئۆتۆمبیله‌كه بووه‌ستێنێت.
شایانی باسه رۆژنامه‌ی "گاردیان" بڵاویكردۆته‌وه ، شۆفێره‌كه ته‌مه‌نی 32 ساڵه‌و ده‌ستگیر كراوه.
ئا- كامران
ژێده‌ر- سپۆتینگ
کۆمێنت (0)
تا ئێستا هیچ کۆمێنتێک نەکراوە.