بوو دووڤ چونا پرۆژێ خزمه‌تگوزارى وزانینا پێدڤیێن خه‌لكێ ده‌ڤه‌رێ ئه‌ڤرو سپێدێ 25-4-2021 د.على ته‌ته‌ر پارێزگارێ دهۆكێ ودگه‌لدا چه‌ند رێڤه‌به‌رێن فه‌رمانگه‌هێن په‌یوه‌ندیدار سه‌را ده‌ڤه‌رداریا شێخان دا ژلایێ سه‌ردار یه‌حیا ده‌ڤه‌ردارێ شێخان ورێڤه‌به‌رێن فه‌رمانگه‌ها پێشوازى لێ هاته كرن.
دكومبونه‌كێدا دگه‌ل ده‌ڤه‌ردار وناوچه‌دار ورێڤه‌به‌رێن فه‌رمانگه‌هێن میرى پارێزگارێ دهۆكێ دیاركر كو سه‌روكێ حكومه‌تا هه‌رێما كوردستانێ رازیبونا خو دیاركریه كو ژماره‌كا پرۆژێن خزمه‌تگوزارى یێن فه‌ر وپێدڤى وه‌كو قوناغا ئێكێ ببهایێ (4) ملیار دینارا ل سنورێ ده‌ڤه‌رداریا شێخان بهێنه ئه‌نجامدان ، هه‌روه‌سا ل قوناغا دووێ ژى ژماره‌كا دن یا پرۆژا دێ هێنه راگه‌هاندن .
دكونگره‌كێ رۆژنامه‌ڤانیدا پارێزگارێ دهۆكێ گوت: به‌رى نوكه ژى ب كوژمێ پترى حه‌فت ملیار دینارا پرۆژێن خزمه‌تگوزارى ل ده‌ڤه‌رداریا شێخان هاتینه بجهئینان وئه‌ڤرو ئه‌م هاتینه شێخان بو راگه‌هاندنا كومه‌كا پرۆژێن خزمه‌تگوزارى بكوژمێ (4) ملیار دینارا ول قوناغا دووێ پتر پرۆژه دێ هێنه راگه‌هاندن .
هه‌روه‌سا گوت: سه‌روكێ حكومه‌تا هه‌رێما كوردستانێ یێ رژده كو هه‌موو جورێن پرۆژێن خزمه‌تگوزارى بو خه‌لكێ پارێزگه‌ها دهۆكێ بهێنه ئه‌نجامدان وئه‌ڤ پرۆژه ب یه‌كسانى ولدووڤ پێدڤیا هه‌ر ده‌ڤه‌ره‌كێ دێ هێنه گه‌هاندن.
بکوژمێ 4 ملیار دینارا وه‌کو قوناغا ئێکێ پرۆژه ل ده‌ڤه‌رداریا شێخان هاتنه راگه‌هاندن
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.