سه‌رۆكایه‌تی ئه‌نجوومه‌نی نوێنه‌رانی عێراق داوای كرد كه له‌باره‌ی رووداوه‌كه‌ی نه‌خۆشخانه‌ی ئیبن خه‌تیب، دانیشتنێكی نائاسایی ساز بكرێت.
شه‌وی رابردوو، ئاگر له نه‌خۆشخانه‌ی ئیبن خه‌تیب تایبه‌ت به چاره‌سه‌ركردنی تووشبووانی ڤایرۆسی كۆرۆنا له به‌غدا پایته‌ختی عێراق كه‌وته‌وه و به‌هۆیه‌وه 27 كه‌س گیانیان له‌ده‌ستدا و 36ی دیكه‌یش برینداربوون.
سه‌رۆكایه‌تی ئه‌نجوومه‌نی نوێنه‌رانی عێراق له راگه‌یه‌نراوێكدا داوای كردووه كه سبه‌ی دووشه‌ممه دانیشتنێكی نائاسایی له‌باره‌ی رووداوه‌كه‌ی نه‌خۆشخانه‌ی ئیبن خه‌تیب ساز بكرێت و داواشی له سه‌رجه‌م ئه‌ندامانی ئه‌نجوومه‌نه‌كه كردووه كه له دانیشتنه‌كه‌دا، ئاماده‌بن و هاتووه:ته‌وه‌ری دانیشتنه‌كه‌ی سبه‌ی ته‌نها تایبه‌ت ده‌بێت به تاوتوێكردنی رووداوه‌كه‌ی نه‌خۆشخانه‌ی ئیبن خه‌تیب.
کۆمێنت (0)
تا ئێستا هیچ کۆمێنتێک نەکراوە.