بو دووڤ چونا پرۆژێن خزمه‌تگوزارى ئه‌وێن ل سنورێ ده‌ڤرداریا شێخان دهێنه ئه‌نجامدان ئه‌ڤرو سپێدێ 11-4-2021 د.عەلى ته‌ته‌ر پارێزگارێ دهۆكێ سه‌را ده‌ڤه‌رداریا شێخان دا ژلایێ به‌رێزان سه‌ردار یه‌حیا ده‌ڤه‌ردارێ شێخان ورێڤه‌به‌رێن فه‌رمانگه‌هێن په‌یوه‌ندیدار پێشوازى لێ هاته كرن.
دهه‌ڤدیتنه‌كێدا ب ئاماده‌بونا محمود محمود ئێزدى به‌رپرسێ لقێ 20 یێ پارتى وسیروان رۆژبه‌یانى جێگرێ پارێزگارێ نه‌ینه‌وا به‌حسێ ره‌وشا ده‌ڤه‌رێ وپێدڤیێن خه‌لكێ شێخان ب پرۆژێن خزمه‌تگوزارى ب گشتى هاته كرن.
پاش ئه‌ڤ پرۆژه هاتنه ڤه‌كرن وبه‌رێ بنیاتى بو هنده‌كێن دن هاته دانان. ڤه‌كرنا ئاڤاهیێ نوو یێ هوبا چاندنێ وكوگه‌ها كه‌ل وپه‌لێن چاندنێ ل سه‌نته‌رێ شێخان بكوژمێ (659) ملیون دینارا لسه‌ر بودجا پارێزگه‌ها نه‌ینه‌وا هاتیه دورستكرن.
ڤه‌كرنا یاریگه‌ها وه‌رزشى یا دایخستى ل سه‌نته‌رێ شێخان بكوژمێ (207) ملیون دینارا ل سه‌ر بودجا پارێزگه‌ها نه‌ینه‌وا. ڤه‌كرنا باخچێ ساڤایان ل ناڤ سه‌نته‌رێ شێخان ب كوژمێ (550) ملیون دینارا لسه‌ر بودجا پارێزگه‌ها نه‌ینه‌وا.
ڤه‌كرنا یاریگه‌ها وه‌رزشى یا دایخستى ل سه‌نته‌رێ ناوچه‌داریا زیلكان ب كوژمێ (207) ملیون دینارا لسه‌ر بودجا پارێزگه‌ها نه‌ینه‌وا. دانانا به‌رێ بنیاتى بو ئاڤاكرنا كومه‌لگه‌ها كارگێرى ل ناوچه‌داریا كه‌له‌كچى ب كوژمێ (758) ملیون دینارا ل سه‌ر بودجا حكومه‌تا هه‌رێما كوردستانێ.
ل دور گرنگیا ڤان پرۆژان پارێزگارێ دهۆكێ گوت:ئه‌و پرۆژێن ئه‌ڤرو مه ڤه‌كرین وبه‌رێ بنیاتى بو داناین بهایێ وان پتره ژ(4) ملیار و(600) ملیون دینارا پرۆژێن خزمه‌تگوزارى یێن جورا وجورن وه‌كو رێك وئاڤ وپه‌روه‌رده ویاریگه‌هێن وه‌رزشى ئه‌ڤه هه‌مو دێ خزمه‌ته‌كا باش بو خه‌لكێ ده‌ڤه‌رێ پێشكێشكه‌ن وته‌كه‌زكر كو ل رۆژێن بهێت ژماره‌كا دى یا پرۆژان دێ هێنه ڤه‌كرن وكه‌ڤنه دخزمه‌تا خه‌لكێ ده‌ڤه‌رێدا و ل ئاینده‌ى ژى پتر پرۆژێن خزمه‌تگوزارى دێ هێنه ئه‌نجامدان.
کۆمێنت (0)
تا ئێستا هیچ کۆمێنتێک نەکراوە.