وەزارەتی ئەوقاف و كاروباری ئایینی حكوومه‌تی هه‌رێمی كوردستان ڕایگەیاند، ئەمڕۆ یەكشەممە 11 ى 4 ى 2021 چاودێری بینینی مانگ دەكەن و بەپێی بەڵگە شەرعی و زانستیەكان بریار لەسەر دیاری كردنی یەكەمین رۆژی مانگی رەمەزانی پیرۆز دەدەن.
لە ڕاگەیەنراوێكدا وەزارەتی ئەوقاف و كاروباری ئایینی هەرێمی كوردستان بڵاوی كرده‌وه‌ته‌وه: بەمەبەستی دیاریكردنی یەكەمین رۆژی مانگی رەمەزانی پیرۆز، لێژنەی باڵای بینینی مانگ لە وەزارەتی ئەوقاف و كاروباری ئایینی ئێوارەی ئەمڕۆ یەكشەممە بەهەماهەنگی لەگەڵ لێژنە لاوەكیەكانمان لەسەرجەم پارێزگاكانی هەرێمی كوردستان كۆدەبێتەوەو چاودێری بینینی مانگ دەكەن و بەپێی بەڵگە شەرعی و زانستیەكان بریار لەسەر دیاریكردنی یەكەمین رۆژی مانگی رەمەزانی پیرۆز دەدەن.
راشیده‌گه‌یه‌نن: دوای ڕاگەیاندنی بریاری فەرمی لێژنەی بینینی مانگ (بەپێی بەڵگەی شەرعی و زانستی) هیچ كەس و لایەنێ بۆی نیە لێدوان لەم بارەیەوە بدات.
کۆمێنت (0)
تا ئێستا هیچ کۆمێنتێک نەکراوە.