ئه‌مشه‌و ڕكابه‌ریه‌كانی گه‌ڕی چوونی قۆناغی چاره‌گی كۆتایی خولی ئه‌وروپا ناسراو به یۆرۆپالیگ به‌ڕێوه‌ده‌چێت، له‌م گه‌ڕه‌ی خوله‌كه‌و له كاتژمێر ده‌ی ئه‌مشه‌و به‌كاتی هه‌ولێر، یانه‌ی مانچسته‌ریونایتد ده‌بێته میوانی یانه‌ی گرانادا كه یه‌كه‌م جاریه‌تی له‌م خوله به‌شداره‌و چه‌ند ئه‌نجامێكی باشی تۆماركردووه، ماركۆس ڕاشفۆرد هێرشبه‌ری مان یونایتد كه له یاری ڕابردووی تیپه‌كه‌ی له‌به‌رامبه‌ر برایتۆن به سووكی دووچاری پێكان هاتبوو، گه‌رایه‌وه مه‌شقی به‌كۆمه‌ڵی ئه‌هریمه‌نی سوورو بۆ یاریكردن ئاماده‌یه.
له یاریه‌كی دیكه‌ی گه‌ڕی چوونی قۆناغی چاره‌گی كۆتایی یۆرۆپالیگ، یانه‌ی ئارسناڵ میوانداری یانه‌ی سلاڤیا پراگی چیكی ده‌كات، یانه له‌نده‌نیه‌كه له به‌یاننامه‌یه‌كدا ڕایگه‌یاند كه یاریزان كیران تێرنی دووچاری پێكان هاتووه‌و به‌و هۆیه‌وه چوار تا شه‌ش هه‌فته له یاریگاكان داده‌بڕێ، هاوكات هه‌ریه‌ك له یاریزانان بوكایو ساكاو ئیمێل سمیت و گرانیت چاكا گه‌ڕانه‌وه مه‌شقه‌كانی گانارز بۆ یاریكردن ئاماده‌ن.
له دوو یاری دیكه‌ی گه‌ڕی چوونی قۆناغی هه‌شتی یۆرۆپالیگ، یانه‌ی ئه‌یاكس ئه‌مستردام میوانداری یانه‌ی ڕۆما ده‌كات و یانه‌ی دینامۆ زه‌گربیش ڕووبه‌ڕووی یانه‌ی ڤیاریالی میوانی ده‌بێته‌وه
ئارسیناڵی ئینگلیزی - سلاڤیا چیكی 10:00 شه‌و
دینامۆ زاگریبی کرواتی - ڤیاریالی ئیسپانی 10:00 شه‌و
گرانادای ئیسپانی - مانچێسته‌ر یونایتدی ئینگلیزی 10:00 شه‌و
ئەیاکسی هۆڵه‌ندی - رۆمای ئیتاڵی 10:00 شه‌و
کۆمێنت (0)
تا ئێستا هیچ کۆمێنتێک نەکراوە.