رێكخراوی هه‌نگاو بۆ مافه‌كانی مرۆڤ بڵاوی كرده‌وه‌ته‌وه: سوپای پاسدارانی ئێران بێ هیچ جۆرە ئاگادار کردنەوەیەک دەستی کردووە بە تۆپبارانکردنی بەرزاییەکانی کێوی شاهۆ لە ناوچەی سەوڵاوا له‌پارێزگای سنه ، ئەمەش بۆتە هۆی نیگەرانیی خەڵکی ناوچەکە.
رێكخراوه‌كه رایده‌گه‌ێنێت: نیوه‌رۆی ئه‌مرۆ دووشه‌ممه 5 ى 4 ى 2021 ، هێزەکانی سوپای پاسدارانی ئێران ناوچه بەرزاییەکانی کێوی شاهۆ لە ناوچەی سەوڵاوای پارێزگای سنە.
په‌یامنێری هەنگاو لە سەوڵاوا رایگەیاندووه: کە سوپای پاسداران له‌ئێستادا بەرزاییەکانی " هەواری دۆڵە" ی شاهۆ لە نێوان گوندەکانی " دەڵەمەرز" و " دێوزناو" بە خەستی تۆپباران ئەکات.
سەرچاوەکانی هەنگاو رایانگەیاند کە تۆپخانەکانی سپای پاسداران لە گوندی " کانی حوسێن بەگ"ی سەوڵاوا جێگیر کراوە و لەوێوە شاهۆ تۆپباران ئەکەن.
بە وتەی دانیشتوویەکی گوندی دەڵەمەرز ئەو تۆپبارانە بێ هیچ ئاگادارییەکی پێشتر و لە ناکاو دەستی پێکردووە و ژمارەیەکی زۆر لە خەڵکی ناوچەکە بۆ ئیشی وەرزێری و باخەوانی یان گیاکەندنی بەهاری چوونەتە ئەو ناوچەیە کە ئەمە بۆتە هۆی نیگەرانیی زۆری خەلکی ناوچەکە.
کۆمێنت (0)
تا ئێستا هیچ کۆمێنتێک نەکراوە.