ئێواره‌ی رۆژی چوارشه‌ممه دادگای ده‌ستووری توركیا له دووه‌مین كۆبوونه‌وه‌ی خۆیدا له‌سه‌ر كه‌یسی داخستنی پارتی دیموكراتیكی گه‌لان ( هه‌ده‌په) رایگه‌یاند كه ئه‌و ئیدیعانامه‌یه كه بۆ داخستنی هه‌ده‌په له‌لایه‌ن داواكاری گشتی توركیاوه ئاماده كراوه، كه‌م و كۆڕتی تێیادایه.
دادگای ده‌ستووری توركیا بڕیاریداوه ئه‌و ئیدیعانامه‌یه كاری پێ نه‌كرێت و بۆ ئه‌وه‌ی پێداچوونه‌وه‌ی بۆ بكرێت و سه‌رڕاست بكرێته‌وه، روانه‌ی داواكاری گشتی توركیا بكرێته‌وه. ئیدیعانامه‌ی داخستنی هه‌ده‌په له‌سه‌ر داوای ئاكه‌په و بزۆتنه‌وه‌ی نه‌ته‌وه‌په‌ره‌ستی توركیا ( مه‌هه‌په) ئاماده كراوه و دوای بڕیاری دادگای ده‌ستووری له‌سه‌ر راده‌ست كردنه‌وه‌ی ئیدیعانامه‌كه بۆ داواكاری گشتی، سه‌رۆكی مه‌هه‌په ده‌وڵه‌ت باخچه‌لی ره‌خنه‌ی توندی له دادگای ده‌ستووری كرد و رایگه‌یاند كه پێویسته دادگای ده‌ستووری توركیایش وه‌كو هه‌ده‌په دابخرێت.
ئه‌رده‌لان گۆران
کۆمێنت (0)
تا ئێستا هیچ کۆمێنتێک نەکراوە.