له ئێران بۆ پرۆتێستۆكردنی هاریكاری 25 ساڵه‌ی نێوان حكوومه‌ته‌كانی تاران و په‌كین له چه‌ند شارێك خۆپیشاندان سازكرا.
به‌پێی ئه‌و بڵاوكراوانه‌ی كه له تۆڕه‌كانی كۆمه‌ڵایه‌تییدا بڵاوكراونه‌ته‌وه، نزیكه‌ی 200 هاووڵاتی له شاری تاران له‌به‌رده‌م په‌رله‌مانی ئێران گردبوونه‌وه و داوای هه‌ڵوه‌شاندنه‌وه‌ی ئه‌و رێككه‌وتنه‌یان كرد.
خۆپیشانده‌ران هوتافی ''ئێران بۆ فرۆشتن نییه'' ، ''مردن بۆ ئه‌وانه‌ی نیشتمان ده‌فرۆشن'' ، '' ده‌جه‌نگین، ده‌مرین و ئێران وه‌رده‌گرینه‌وه''یان ده‌گوته‌وه.
هاووڵاتییان له شاره‌كانی ئه‌لبورز و ئه‌سفه‌هان له‌به‌رده‌م ته‌لاری پارێزگادا گردبوونه‌وه و رێككه‌وتنه‌كه‌یان پرۆتێستۆ كرد و دروشمی ''چین له ئێران بچۆره ده‌ره‌وه'' و ''هه‌ڵوه‌شاندنه‌وه‌ی رێككه‌وتننامه‌كه‌مان ده‌وێت''یان به‌رزكرده‌وه.
هه‌روه‌ها ئه‌و هاووڵاتییه ئێرانیانه‌ی له شاری سیدنی ئوسترالیا ده‌ژین له‌به‌رده‌م كۆنسوڵخانه‌ی چین گردبوونه‌وه و رێككه‌وتنه‌كه‌یان پرۆتێستۆ كرد
شایانی باسه به‌پێی رێككه‌وتنێك كه له‌نێوان تاران و په‌كین ئه‌نجامدراوه، چین بۆ ماوه‌ی 25 ساڵ به گوژمه‌ی 400 ملیار دۆلار كاری وبه‌رهێنان له‌ئێران ده‌كات.
کۆمێنت (0)
تا ئێستا هیچ کۆمێنتێک نەکراوە.