تمه‌ن نزمترین ئاستی له‌ سه‌رده‌می جۆ بایدندا تۆمار کرد

ئه‌مڕۆ دووشه‌ممه‌ 29 ى 3 ى 2021،  جارێكى دیكه‌ به‌هاى دراوى ئێرانى (تمه‌ن و ریاڵ) به‌رامبه‌ر به‌ دۆلار به‌ راده‌یه‌كى به‌رچاو دابه‌زى و دابه‌زینى به‌هاى دراوى ئێران به‌هۆى ئه‌و سزا ئابووریانه‌وه‌یه‌، كه‌ ئه‌مه‌ریكا به‌سه‌ر ئێرانیدا سه‌پاندووه‌.

سایتى (Bonbast)، كه‌ چاودێرى بازارى نا ره‌سمى دراو له‌ ئێران ده‌كات، بڵاویكرده‌وه‌، ئه‌مڕۆ دووشه‌ممه ‌29 ى 3 ى 2021،  100 دۆلاری ئه‌مریكی به‌رامبه‌ر به‌ 2 ملیۆن و 600 هه‌زار تمه‌نى ئێرانی فرۆشراوه‌.

سه‌ره‌ڕاى رێككاره‌كانى ده‌وڵه‌ت بۆ رێگرتن له‌ دابه‌زینى به‌هاى دراوى ئێران، به‌ڵام به‌هۆى كاریگه‌رى سزاكانى ئه‌مه‌ریكا، رۆژ له‌ دواى رۆژ دراوى ئێران به‌هاى خۆى له‌ده‌ست ده‌دات.