ئێران.. 4 هاووڵاتی دیکه‌ به‌تۆمه‌تی به‌شداریی کردنیان له‌ ئاهه‌نگی نه‌ورۆز ده‌ستگیر کران

هێزه‌ ئه‌منییه‌كان به‌رده‌وامن له‌ده‌ستگیر كردنی ئه‌و هاوڵاتییانه‌ى كه‌له‌كوردستانی ئێران به‌شدارییان له‌ئاهه‌نگی نه‌ورۆزدا كردوه‌ .
رێكخراوی هه‌نگاو بۆ مافه‌كانی مرۆڤ  بڵاوی كرده‌وه‌: رۆژی 25 ى 3 ى 2021، هێزه‌ ئه‌منییه‌كانی ئێران له‌شاری بانه‌ هەڵیانکوتاوەتە سەر گوندی “یاکوباوا” و لانیکەم چوار کەسیان دەستگیر كردووه‌ به‌تۆمه‌تی به‌شدارییان له‌ئاهه‌نگی نه‌ورۆزدا .
هه‌نگاو راشیده‌گه‌ێنێت: هەتا کاتی ئامادە کردنی ئەم هەواڵە ناسنامەی دوو کەس لە دەستبەسەر کراوەکان بە ناوەکانی “ڕێبوار قادری”  ته‌مه‌ن 34 ساڵ و ئامۆزاکەی به‌ناوی “بێهرووز قادری”  ته‌مه‌ن 30 ٣٠ ساڵ ئاشکرا بووە.

بە وتەی سەرچاوەیەکی ئاگادار كه‌به‌هه‌نگاوی راگه‌یاندووه‌:  ئەم کەسانە بە هۆی بەشداری لە ڕێوڕەسمی تایبەت بە نەورۆز لەو گوندە دەستگیركراون  و چارەنووس و شوێنی ڕاگیرانیان نادیارە.

لە ماوەی ڕۆژانی ڕابردوودا زیاتر لە 10 هاووڵاتیی دیکە لە شارەکانی سنە، مەریوان و شنۆ هەر بەو تۆمەتە دەستگیركراون کە هەتا ئێستا یەک کەسیان ئازاد کراوە.