کەشناسی هه‌رێمی کوردستان: ئەمڕۆ بەفر لەم ناوچانە دەبارێت

کەشناسی هەرێمی كوردستان،  پێشبینییەکانی کەش و هەوای ئه‌مرۆ و سبه‌ی یه‌كشه‌ممه‌ی  بڵاوکردەوە.

بەڕێوەبەرایەتی گشتی كه‌شناسی و بومه‌له‌رزه‌زانی هه‌رێمی كوردستان بڵاوی كرده‌وه‌: ئه‌مرۆ شه‌ممه‌ 27 ى 3 ى 2021 و سبه‌ی  ئاسمانی ناوچەكانی هەرێم لەنێوان نیمچەهەور و هەوری تەواو دەبێت. 
راشیده‌گه‌ێنێت:  كەم كەم لە ناوچە شاخاوییەكانی سنووری پارێزگای هەولێر و دهۆك بەفر دەبارێت  هه‌روه‌ها ئەگەری بارینی نمە بارانیش هەیە.

بەپێی پێشبینییەکانی که‌شناسیی هه‌رێمی كوردستان ، ئەمڕۆ لە هەولێر بەرزترین پلەی گەرما 15 پلە دەبێت، لە سلێمانی 17 پله‌ و دهۆک 12 پله‌ ، کەرکوک 18 پلەی سیلیزی دەبێت.

 سبەش به‌م شێوه‌یه‌ ده‌بێت: لە هەولێر بەرزترین پلەی گەرما 19 پلە دەبێت، لە سلێمانی 19 پلە، دهۆک 17 پله‌ ، کەرکوکیش 21 پله‌ی سیلیزی‌ دەبێت.