وه‌زاره‌تی په‌روه‌رده‌ی عێراق رایگه‌یاند كه به ئامانجی به‌رده‌وامبوونی پڕۆسه‌ی فێركردن، تاقیكردنه‌وه‌كانی وه‌رزی یه‌كه‌می خوێندنی ئه‌مساڵ له‌سه‌رجه‌م پارێزگاكاندا، ده‌ستی پێكراوه.
له راگه‌یه‌نراوێكی وه‌زاره‌تی په‌روه‌رده‌ی عێراقدا ھاتووه: "تاقیكردنه‌وه‌كانی وه‌رزی یه‌كه‌می خوێندنی ئه‌مساڵ له‌سه‌رجه‌م پارێزگاكاندا، جگه له ھه‌رێمی كوردستان، به گرتنه‌به‌ری رێوشوێنه‌كانی خۆپارێزیی له بڵاوبوونه‌وه‌ی ڤایرۆسی كۆرۆنای نوێ ده‌ستی پێكراوه".
له راگه‌یه‌نراوه‌كه‌دا جه‌ختكراوه‌ته‌وه له‌سه‌ر ئه‌وه‌ی كه به ئامانجی به‌رده‌وامبوونی پڕۆسه‌ی فێركردن، تاقیكردنه‌وه‌كانی وه‌رزی یه‌كه‌می خوێندن له‌سه‌رجه‌م پارێزگاكاندا، ده‌ستی پێكراوه.
به‌یانی ئه‌مڕۆ شه‌ممه له‌سه‌رجه‌م ناوه‌نده‌كانی خوێندندا، تاقیكردنه‌وه‌كانی وه‌رزی یه‌كه‌می خوێندن له‌سه‌رجه‌م پارێزگاكانی عێراق بۆ ئه‌مساڵی خوێندن (2020 – 2021) ده‌ستی پێكرد .
کۆمێنت (0)
تا ئێستا هیچ کۆمێنتێک نەکراوە.