سوپای عێراق رایگه‌یاند كه تیرۆریستێكی داعش له باشووری به‌غدای پایته‌خت كوژراوه.
له‌مباره‌یه‌وه فه‌رمانده‌یی ئۆپه‌راسیۆنه‌كانی به‌غدا له راگه‌یه‌نراوێكدا ئاماژه‌ی به‌وه‌داوه كه له‌سه‌ر مسته‌فا كازمی ،فه‌رمانی سه‌رۆكوه‌زیران و فه‌رمانده‌یی گشتیی ھێزه چه‌كداره‌كان، بۆ پاراستنی ئاسایش و راوه‌دوونانی پاشماوه‌كانی تیرۆریستانی داعش، ھێزه‌كانی فه‌وجی یه‌ك سه‌ربه لیوای 55ی سوپا و فیرقه‌ی 17ی ھه‌واڵگریی ئۆپه‌راسیۆنێكیان له باشووری به‌غدای پاته‌خت ئه‌نجامداوه، ئه‌وه‌یش دوای ئه‌وه‌ی جموجۆڵی سێ تیرۆریستی داعش له ناوچه‌كه‌دا به‌دیكرابوون و ھاتووه: له میانی ئۆپه‌راسیۆنه‌كه‌دا، شه‌ڕ و پێكدادان له‌نێوان ھێزه‌كانی سوپا و سێ تیرۆریسته‌كه‌ی داعشدا روویداوه و له ئاكامدا، تیرۆریستێك كوژراوه و دوو تیرۆریسته‌كه‌ی دیكه‌یش ھه‌ڵاتوون.
له راگه‌یه‌نراوه‌كه‌دا ئاماژه به‌وه‌یشدراوه كه ئۆپه‌راسیۆنی ھێزه‌كانی سوپا به ئامانجی راوه‌دوونانی دوو تیرۆریسته ھه‌ڵاتووه‌كه‌ی داعش له ناوچه‌كه، به‌رده‌وامه.
کۆمێنت (0)
تا ئێستا هیچ کۆمێنتێک نەکراوە.