ل دووڤ راسپاردێن د.على تهتهر پارێزگارێ دهۆكێ ل روژا 6- 3-2021 لیژنا پارێزگههێ یا دانانا پلانا پرۆژێن گرنگ وستراتیجى دگهل رێڤهبهر وئهندازیارێن رێڤهبهریا گشتى یا رێك وپرا سهرهدانا رێكا (باخرنیف – گهرماڤا) كر درێژیا وێ (3.5)كم كو دێزاینهكا نوو بو بهێته ئامادهكرن.
ئهڤ پارچا رێكێ یا سهرهكیه ژبو گرێدانا ههردوو رێكێن( لیناڤا – باكوزێ )چونكو لدووڤ پلانا كارگێریا پارێزگههادهۆكێ هاتیه دانان بو پێشئێخستنا دهڤهرا پشتا سكرێ دهۆكێ دێ رێكا (كێڤلا- سهرێ تهحا - لیناڤا) ژى هێته ڤهكرن و ههردوو رێك دێ پێكڤه هێنه گرێدان دا كو قهربالغ چێنهبیت وهاتن وچون ب ساناهى بهێته كرن، ههروهسا بزاڤا گهشتیارى ژى دێ هێته خورتكرن وداهاتێ نافخویى ژى دێ هێته زێدهكرن ، ههروهسا فشار ل سهر رێكا گهلیێ دهۆكێ وقهرهبالغا لناڤ سهنتهرێ باژێرێ دهۆكێ دێَ هێنه كێمكرن چونكو خهلكێ دهڤهرا سێمێلێ وكێڤلا وماسیكێ وزركا دێ رێكا نوو ل سهرێ تهحا ب كارئینن وقهستا پشت سكرێ دهۆكێ كهن.
ههر وێ روژێ تیمێ لیژنا پلان دانانێ سهرا گوندێ قهشهفرێ ل دهڤهرداریا سێمێلێ دا كو گوندهكێ كریستیانایه گهلهك شونوارێن گرنگ ومێژۆیى وجهێن ئاینى لێ ههنه زێدهبارى جههكێ گهشتیارى یه ولدووڤ راسپاردێن بهرێز پارێزگارێ دهۆكێ دێ پروپوزهلهكا تێر وتهسهل هێته ئامادهكرن بو ڤهژاندن وئاڤهدانكرنا گوندێ ناڤبرى ودێ ههوڵ هێنه دان ب رێكا كونسلخانه ورێكخراوێن بیانى ئهو پرۆژه بهێنه بجهئینان وئهو ههموو شونوار وجهێن ئاینى یێن پیروز دووباره لدووڤ تهرز وسیمایێن كهڤنار بهێنه نووژهنكرن ههروهسا دێ ژناڤچونێ هێنه پاراستن ، ههروهسا رێكێن گههشتنا وان دیمهنێن جوان وجهێن پیروز وشوونهوارى لههمبهر گهشتیاران ئاسان ببن.
ل دووڤ راسپاردێن پارێزگارێ دهۆکێ دێزاینهکا نوو بو چێکرنا رێکا باخرنیڤ باکوزێ دێ هێته ئامادهکرن
100%
کۆمێنت (0)
تا ئێستا هیچ کۆمێنتێک نەکراوە.