ئه‌ڤرو به‌رى نیڤرو 24-2-2021 د.على ته‌ته‌ر پارێزگارێ دهۆكێ ب ئاماده‌بونا به‌رێزان د.شاكر سمو رێڤه‌به‌رێ گشتى یێ وه‌رزشى ل هه‌رێما كوردستنانێ وخه‌لیل حسن رێڤه‌به‌رێ وه‌رزشى ل پارێزگه‌ها دهۆكێ كۆمبوونه‌ك دگه‌ل كارگێریا یانا زاخو یا وه‌رزشى سازكر.
دكۆمبوونێدا به‌حسێ ره‌وشا یانا زاخو وئه‌نجامێن باش یێن دڤى وه‌رزیدا دخولا نایابا عیراقێدا ب ده‌ستڤه‌ئیناین وپێدڤیێن یانا زاخو بو توماكرنا وه‌رزێ نوكه وپێدڤیێن یانێن دى ل سنورێ پارێزگه‌هێ ب گشتى هاته كرن.
پارێزگارێ دهۆكێ ده‌ستخوشى ل كارگێریا یانا زاخو كر ل دور ئه‌و ئه‌نجامێن یانێ ل وه‌رزێ ئه‌ڤ ساله د خولا نایابا عیراقێ دا ب ده‌ستڤه ئیناین و ته‌كه‌زكر كو ژبلى پشته‌ڤانیا حكومه‌تا هه‌رێمێ وكارگێریا پارێزگه‌هێ بو هه‌موو یانا دڤێت یانا زاخو و یانێن دى یێن وه‌رزشى ل پارێزگه‌هێ پشتبه‌ستنێ ل سه‌ر خو بكه‌ن ب رێكا پرۆژێن وه‌به‌رهێنانێ بو په‌یداكرنا داهاتى بو وێ یه‌كێ بشێن به‌رده‌وامیێ بده‌نه كار وبه‌رنامێن خو یێن وه‌رزشى .
هه‌روه‌سا گوت: دڤێت هه‌موو یانه به‌رنامه وپلانێن خو یێن وه‌رزشى ل دووڤ داهاتێ به‌رده‌ست به‌رهه‌ڤكه‌ن وپشته‌ڤانیا پارێزگه‌هێ نیشاندا بو هه‌موو یانه‌یێن وه‌رزشى ل پارێزگه‌هێ وسه‌ركه‌فتن بو خواست.
هه‌ژى گوتنێ یه نوكه یانا زاخو ل رێزا پێنجێ دهێت ل سه‌ر ئاستێ (20) یانێن پشكدار د خولا نایابا عیراقێ دا.
پارێزگارێ دهۆکێ: پشته‌ڤانیا خو بو یانا زاخو وهه‌موو یانێن وه‌رزشى ل سنورێ پارێزگه‌هێ نیشاندا
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.