له خولی یانه‌كانی ئیسپانیا یانه‌ی ریال مه‌درید له ده‌ره‌وه‌ی یاریگای خۆی سه‌ركه‌وتنێكی قورس و گرینگی به‌ده‌ست هێنا .
یارییه‌كه له میانی گه‌ری بیست و چواره‌مینی خولی یانه‌كانی ئیسپانیا بوو كه تیایدا یانه‌ی ڤه‌له‌د وه‌لید له‌سه‌ر یاریگای زۆرێللا میوانداری یانه‌ی ریال مه‌دریدی كرد .
یاریزانانی هه‌ردوو یانه به‌هێرش بردن ده‌ستیان به روبه‌روبونه‌وه‌كه كرد به‌مه‌به‌ستی تۆمار كردنی گۆل و به‌ده‌ست هێنانی سه‌ركه‌وتن به‌لام له‌یاریه‌كه ته‌نها یه‌ك گۆل تۆمار كرا ، ئه‌ویش یاریزانی به‌رازیلی یانه‌ی ریال مه‌درید كاسیمێرۆ له خوله‌كی شه‌ست و پێنج تۆماری كردو یانه‌ی راله مه‌درید سه‌ركه‌وتنێكی زه‌حمه‌تی به‌ده‌ست هێنا به‌لام له‌هه‌مان كاتدا زۆر گرینگ بوو بۆ یانه‌كه .
به‌م ئه‌نجامه‌ش یانه‌ی شاهانه كۆی خاله‌كانی له پله‌ی دووه‌می ریزبه‌ندی یانه‌كان بۆ په‌نجاو دوو خال به‌رزكرده‌وه‌و ته‌نها سێ خال له‌یانه‌ی ئه‌تله‌تیكۆمه‌دریدی پێشه‌نگه‌وه دووره ، یانه‌ی ڤه‌له‌د وه‌لیدیش له پله‌ی نۆزده‌هه‌مین و پێش كۆتایی دێت و ته‌نها بیست و یه‌ك خالی هه‌یه .
کۆمێنت (0)
تا ئێستا هیچ کۆمێنتێک نەکراوە.