تەندروستی عێراق: ژمارەی تووشبووانی کۆرۆنا به‌رزبۆته‌وه‌

وەزارەتی تەندروستی عێراق ئاماری 24 كاتژمێری رابردووی تایبه‌ت به‌ كۆرۆنا بڵاوكرده‌وه‌ رایگه‌یاند: 15 تووشبووی كۆرۆنا گیانیان لەدەستداوە.

ئه‌مڕۆ یه‌كشه‌ممه‌ 14ی‌ شوباتی‌ 2021، وه‌زاره‌تی‌ ته‌ندروستی‌ و ژینگه‌ی‌ عێراق ئاماری‌ 24 كاتژمێری‌ رابردووی‌ تایبه‌ت به‌كۆرۆنای‌ بڵاوكرده‌وه‌ تیایدا ئەوەی خستوووتەڕوو له‌م ماوه‌یه‌دا دوو ھەزار و دوو سه‌د و بیست و چوار کەسی دیكه‌ تووشی ڤایرۆسی کۆرۆنا  بوونه‌ و پازده‌ تووشبووش بەھۆی ڤایرۆسەکەوە گیانیان لەدەستداوە.

ئاماژە بەوەشدراوە کە لە دوێنیوه‌، ھەزار و حه‌فتاو نۆ تووشبوو چاکبوونەتەوە.

شایه‌نی باسه‌ ماوەی دوو هەفتەیە ژمارەی تووشبوونی رۆژانەی كۆرۆنا لە عیراق زیاتر بەرزدەبێتەوەو لەبەرامبەریشدا رێژەی چاكبوونەوە روو لە دابەزینە.