Erbil 26°C ھەینی 20 ئەیلوول 03:03

له‌ژێر چاودێری سه‌رۆکی حکوومه‌تی هه‌رێم ئه‌مڕۆ پڕۆژەیەکی گرینگی کارەبا لە هه‌ولێر دەکرێتەوە

کوردستان TV
100%


پێش نیوه‌رۆی ئه‌مڕۆ پێنجشه‌ممه‌ 11 ى 2 ى 2021،  پڕۆژەیەكی گرینگی كارەبا لە ھەولێر ده‌كرێتەوە، گوتەبێژی وەزارەتی كارەباش دەڵێت: پڕۆژەی (مینی سكادا) وەك سەرەتایەكە بۆ دروستكردنی سەنتەری كۆنتڕۆڵی كارەبا و ھەموو داتا و زانیارییەكانی كارەبا لەو سەنتەرەوە كۆنتڕۆڵ دەكرێن.

ئومێد ئەحمەد، گوتەبێژی وەزارەتی كار رایده‌گه‌ێنێت: ئه‌مرۆ پێنجشەممە، بە چاودێریی مەسروور بارزانی، سەرۆكی حكوومەتی ھەرێمی كوردستان و بە ئامادەبوونی بەرپرسانی حكوومەت، پڕۆژەی (مینی سكادا- ڤۆیب) لە بەڕێوەبەرایەتیی گشتیی كۆنتڕۆڵی كارەبای ھەرێم دەكرێتەوە، پڕۆژەكەش بریتییە لە دروستكردنی سەنتەری كۆنتڕۆڵی كارەبای ھەرێمی كوردستان وەك دەستپێكی یەكەم، ئامانجیش لەو پڕۆژەیە، بەكۆمپیوتەرایزكردنی كارەبای ھەرێمی كوردستانە.

 راشیده‌گه‌ێنێت: پڕۆژەكە تەواوی داتا و زانیارییەكانی كارەبا لە تەواوی سیستەمەكەوە بۆ سەنتەری كۆنتڕۆڵ دەگوازێتەوە، كە بەڕێوەبردنی سیستەمی كارەبا لە ھەرێمی كوردستان پێش دەخات.

 دەشڵێت:پڕۆژەی (مینی سكادا) سوودی زۆری دەبێت بۆ كەرتی كارەبا، بە تایبەتی لە ڕووی كۆكردنەوەی داتا و زانیارییەكان، چونكە بەو ھۆیەوە باشتر چاودێریی رەوشی كارەبا دەكرێت و بەردەوام داتاكان كۆدەكرێنەوە.

 

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.