وه‌زاره‌تى دارایی و ئابووری هه‌رێمی کوردستان روونکردنه‌وه‌یه‌کی بڵاوکرده‌وه‌

كه‌مێك پێش ئێستا، وه‌زاره‌تى دارایی و ئابووری هه‌رێمی كوردستان، روونكردنه‌وه‌یه‌كی  سه‌باره‌ت به‌مووچه‌ی هه‌ریه‌ك له‌به‌رێوه‌به‌رایه‌تیه‌كانی  به‌نداوه‌كانی هه‌رێم ، ره‌گه‌زنامه‌ بڵاوكرده‌وه‌.
ده‌قی روونكردنه‌وه‌كه‌ی وه‌زاره‌ت:
سەبارەت بە  موچەی فەرمانبەرانی هەریەك لە  بەڕێوبەرایەتییەكانی بەنداوەكانی هەرێم و رەگەزنامەی هەرێمی كوردستان. بە پێوستمان زانی بۆ هەموو لایەك ڕوونبكەینەوە كە:
1- كۆی گشتی تەمویلی (پارەداركردنی) پێویست بۆ موچەی یەك مانگی  فەرمانبەرانی ڕەگەزنامەی هەرێمی كوردستان نزیكەی شەش ملیار و 250 ملیۆن دینار دەبێت.
2- لە كۆی ئەم بڕە پارەیە مانگانە حكومەتی ناوەند نزیكەی ملیارێك و 862ملیۆن دینارى بۆ (4700) موچەخۆری ڕەگەزنامەی هەرێمی ناردووە.
3- ئەو پارەیەش نزیكەی 25%ی موچەی ئەو فەرمانبەرانە دەكات. واتە بە تەمویلی چوار مانگی بەغدا بۆ ئەم موچەخۆرانە تەنیا دەتوانرێت موچەی یەك مانگی پێ دابین بكرێت. 
4- سەرەڕای ئەمەش هەریەك لە مانگەكانی10- 11-12 ساڵی ڕابردوو لەگەڵ مانگی یەكی 2021 هیچ بڕە پارەیەك لە لایەن حكومەتی فیدڕاڵەوە بۆ هەرێم نەنێردراوە تاوەكو موچەی فەرمانبەرانی بەنداوەكان و ڕەگەزنامەی هەرێم دابەش بكرێت. 
5- بەدەر لەوانەش مانگی ڕابردوو حكومەتی هەرێمی كوردستان  بە بێ لێبڕین، موچەمان بۆ بەڕێوبەرایەتی ڕەگەزنامەی هەرێم دابینكردووە.
6- لە ئێستادا بەهۆی نەناردنی موچەی ئەو بەڕێوبەراتیانە له‌لایەن حكومەتی فیدڕاڵیەوە، حكومەتی هەرێمی كوردستان بە ئامانجی دادپەروەری بۆ هەمووان بەهەمان میكانیزمی دابەشكردنی موچەی فەرمانبەرانی هەرێمی كوردستان بڕیاریداوە، موچەیان بەسەردا دابەش بكرێت.