یانەی پاریس سانجێرمان پاڵەوانی سێ وەرزی ڕابردووی خولی فەڕەنسا سەركەوتنی لە هەفتەی بیست وسێیەمی خولەكە بەدەستهێناو بە سێ گۆڵی بێ بەرامبەر لە یانەی نیم ئۆلیمپیكی میوانی بردەوە.
لە خولەكی هەژدەدا، ئەخێل دی ماریای ئەرژەنتینی گۆڵێكی بۆ یانە پاریسیەكە تۆماركرد، پاشان ناوەڕاستكاری ئیسپانی پابلۆ سارابیا گۆڵی دووەمی تیپی میوانداری لە خولەكی سیی و شەش بەدەستهێناو گێمی یەكەم بەم ئەنجامە تەواوبوو.
لە گێمی دووەم و لە خولەكی شەست وهەشتیشدا، كلیان مباپێ ئەستێرەی لاوی پی ئێس جی گۆڵی سێیەمی تیپەكەی تۆماركرد.
بەم بردنەوەش كۆی خاڵەكانی پاریس سانجێرمان لە پلەی سێیەمی ڕیزبەندی یانەكان بۆ چلوهەشت خاڵ بەرزبووەوەو نیم ئۆلیمپیكیش بە پازدە خاڵ لە دوایین خانەی ڕیزبەند مایەوە
پاریس سانجێرمان سه‌رکه‌وتنی به‌سه‌ر نیم ئۆلیمپیک تۆمارکرد
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.