تۆپخانەکانی سوپای تورکیا سنووری خواکوڕکیان بۆردوومان کرد

ئه‌مرۆ هه‌ینی به‌هۆی بوونی بنكه‌ و باره‌گاكانی گه‌ریلاكانی په‌كه‌كه‌ تۆپخانەکانی سوپای تورکیا بۆ ماوه‌ی دوو كاتژمێر سنووری خواکوڕکیان تۆپباران كرد.

په‌یامنێری كوردستان تیڤی رایگه‌یاند: به‌هۆی بوونی بنكه‌ و باره‌گاكانی گه‌ریلاكانی په‌كه‌كه‌ تۆپخانەکانی سوپای تورکیا بۆ ماوه‌ی دوو كاتژمێر سنووری خواکوڕکیان و چەند شوێنێکی دیکەیان تۆپباران كردووه‌.

بەپێی قسەی دانیشتوانی گوندەکانی سنووری دەشتی ھێرت تۆپبارانەکە لەدووری گوندو ئاوایەکان و لەشوێنانە بووه‌، كه‌ بەھۆی شەڕی چەند ساڵەی نێوان گه‌ریلاكانی پەکەکەو سوپای تورکیا چۆلکراون.

ھاوکات وێڕای تۆپبارانکردنی ناوچەکە بەپێی زانیاریەکانی کوردستان تیڤی دەنگی تەقەی دۆشکەو و تەقەی دیکە  لەسنوورەکە بیستراوه‌ و پێ دەچێت شەڕو پێکدادان لەنێوان پەکەکەو سوپای تورکیا ڕوویدابێت.