له ئیسرائیل جۆرێكی ڤایرۆسی كۆرۆنا (COVID-19) كه خێراتر بڵاوده‌بێته‌وه و كه له به‌ریتانیا بڵاوبووه‌ته‌وه، ده‌ستنیشانكرا.
له راگه‌یه‌نراوێكدا كه له‌لایه‌ن وه‌زاره‌تی ته‌ندروستیی ئیسرائیله‌وه بڵاوكراوه‌ته‌وه، ئاماژه به‌وه‌كراوه، ئه‌وه ده‌ستنیشانكراوه كه چوار كه‌س هه‌ڵگری جۆره نوێیه‌كه‌ی ڤایرۆسی كۆرۆنان كه له به‌ریتانیا سه‌ریهه‌ڵدا و به‌شێوه‌یه‌كی خێراتر بڵاوده‌بێته‌وه.
باس له‌وه‌شكراوه، سێ له‌و كه‌سانه ماوه‌یه‌كی كه‌م پێش ئێستا له به‌ریتانیا گه‌ڕاونه‌ته‌وه و ئه‌وه‌ی دیكه‌یان سه‌ردانی ده‌ره‌وه‌ی وڵاتی نه‌كردووه.
شایانی باسه له باشووری خۆرهه‌ڵاتی به‌ریتانیا، جۆرێكی نوێی ڤایرۆسی كۆرۆنا كه خێراتر بڵاوده‌بێته‌وه، دۆزرابوویه‌وه.
کۆمێنت (0)
تا ئێستا هیچ کۆمێنتێک نەکراوە.