سکرتێرێ رۆژنامەڤانیێ پارێزگارێ دهۆکێ دیار کر کو لیژنا گه‌شه‌پێدانا پیشه‌سازى ئەڤرۆ رۆژا 21/12/2020 رازیبوون ل سه‌ر دانانا (22) كارگه‌هـ وپرۆژێن پیشەسازى ل پارێزگەها دهۆکێ کر.
مللەت عسمەت، سکرتێرێ رۆژنامەڤانیێ پارێزگارێ دهۆکێ بۆ مالپەرێ فەرمیێ پارتی دیموکراتی کوردستان ئاشکرا کر کو لیژنا گه‌شه‌پێدانا پیشه‌سازى ل پارێزگەها دهۆکێ ئەڤرۆ ب سەرپەرشتیا (د.عەلی تەتەر) پارێزگارێ دهۆکێ کۆمبوونەک ئەنجامدا و د ڤێ کۆمبوونێ دا دانوستاندن ل دۆر چەندین داخوازیێن سەرمایەداران هاتەکرن بۆ دانانا کەرگەه و پرۆژێن پیشەسازی.
ناڤهاتی ئاماژە دا وێ چەندێ کو د هەمان کۆمبوون دا پارێزگەرێ دهۆکێ دووپاتی ل وێ چەندێ کر کو دڤێت جهێن پیشه‌سازى ل هه‌موو ده‌ڤه‌رداریان بهێنه ده‌ست نیشانكرن و هه‌موو ئاسانكارى دچارچوڤێ یاسا ورێنمایێن وه‌زاره‌تێن په‌یوه‌ندیدار بو خودانكار وسه‌رمایه‌داران بهێنه كرن هه‌روه‌سا بابه‌تێ پاراستنا ژینگه‌هێ ل هه‌ر ده‌ڤه‌ره‌كا پیشه‌سازى ل به‌رچاڤ بهێته وه‌گرتن، هەروەسا بەحسێ پێشخستنا کەرتێ پیشەسازی ژی هاتەکرن و گۆت: پشتى گه‌نگه‌شێن تێر و ته‌سه‌ل ل سه‌ر داخوازیێن هاتینه پێشكێشكرن هاتینەکرن، لیژنا گه‌شه‌پێدانا پیشه‌سازى ل پارێزگەها دهۆکێ رازیبوون ل سه‌ر ئاڤاكرن و دانانا (22) كارگه‌هـ و پرۆژێن پیشه‌سازى کر.
سکرتێرێ رۆژنامەڤانیێ پارێزگارێ دهۆکێ گۆت: ب دانانا ڤان پرۆژێن پیشەسازی و کارگەهان دێ ب سەدان دەلیڤێن کاری بۆ خەلکێ سنوورێ پارێزگەها دهۆکێ پەیدابن.
کۆمێنت (0)
تا ئێستا هیچ کۆمێنتێک نەکراوە.