خالد بەتاڵ وەزیری پلاندانانی عێراق رایگەیاند، بەهۆی قەیرانی دارایی و خەرج نەكردنی شایستە داراییەكانەوە، كاری جێبەجێكردنی پڕۆژەكانی وەبەرهێنان و گەشەپێدانی ئابووری لەبەردەم مەترسی راوەستاندایە و عێراقیش بۆ تەواوكردنی ئەو پڕۆژانە پێویستی بە تەرخانكراوی دارایی به‌بڕی136 تریلیۆن دینار هەیە
گوتیشی، هێشتا ئەو شایستە داراییەی پێویستە بە بەڵێندەران بدرێت دەگاتە تریلیۆنێك و هه‌شتسه‌د ملیار دینار و بەمنزیكانەش حكومەت بەنیازە رێژەی% 50ى شایستە داراییەكانیان بۆ خەرج بكات، ئاشكراشیكرد، ئێستا لە وەزارەتەكەیان دوو ستراتیژیەت پەیڕەو دەكەن كە یەكەمیان بۆ بواری وزەیەو دووەمیشیان تایبەتە بە ئاسایشی خۆراك و ئێستاش بەڕێژەی %40 كاركردن لە پڕۆژەكانی بواری نەوت و وزەی كارەبادا بەردەوامەو دەشزانن رێژەی%30 ئەو وزە كارەبایەی لە پڕۆژەكان بەرهەمدێت بەهەدەر دەڕوا و لەدەست دەچێت، بۆیە كار بۆ چاككردنی ئەو كەرتە دەكەن.
وه‌زیری پلاندانانی عێراق روونیشیكردەوە، یاسای ئیدارەدانی دارایی ناڕوونی پێوەدیارە لە دیاریكردنی رۆڵ و دەسەڵاتەكانی وەزارەتی پلانداناندا.
کۆمێنت (0)
تا ئێستا هیچ کۆمێنتێک نەکراوە.