رێواز فایەق سەرۆكی پەرلەمانی كوردستان سەبارەت بە پەسەندكردنی یاسای قەرز و پەراوێزخستنی داخوازییەكانی كورد لە پەرلەمانی عێراق رایدەگەیەنێت دەبێت مامەڵە لەگەڵ واقیع بکەین و ئەوە بە هەند وەربگرین کە لە بەغدا ڕوویدا.
ئەمڕۆ شەممە 14-11-2020 رێواز فایەق سەرۆكی پەرلەمانی كوردستان لە كۆنگرەیەكی رۆژنامەوانیدا رایگەیاند، دەبێت سێ سەرۆكایەتییەكەی هەرێمی كوردستان و لایەنە سیاسییەكانی هەرێمی كوردستان هەڵسەنگاندن بۆ بابەتی تێپەڕكردنی یاسای پڕكردنەوەی كورتهێنانی دارایی لە پەرلەمانی عێراق بكەن و دەبێت ئەو بابەتە بە هەند وەربگرن.
راشیگه‌یاند كه وەك سەرۆكی پەرلەمان پێم باشە مامەڵە لەگەڵ واقیعدا بكەین، زۆرینە و كەمینە لە هەرێمی كوردستانیش هەیە، زۆرینەیەك دەنگی داوە دەبێت لەگەڵ ئەو واقیعەدا مامەڵە بكەین.
ئاماژه بۆ ئه‌وه‌ش ده‌كات كه بانگهێشتی كۆبوونەوەی نێوان سێ سەرۆكایەتییەكەی هەرێمی كوردستان و نوێنەرەكانی كورد لە بەغدا كراون بۆ سبەینێ بەڵام دڵنیا نین لە ئەنجامدانی كۆبوونەوەكە.
سه‌رۆكی په‌رله‌مانی كوردستان ده‌شڵێت دەبێت ئاگادار بین هەر گرژی و شەڕێک لە ناوخۆماندا لە بەرژەوەندیی وڵاتانی تر دەبێت.
کۆمێنت (0)
تا ئێستا هیچ کۆمێنتێک نەکراوە.