بەهۆی بڵاوبونەوەی ڤایرۆسی كۆرۆناو كاریگەریەكانی و گرتنبەری رێكارەكانی خۆپارێزییه‌وه، كەرتی گەشتیاری لە هەرێم زیاتر لە 200 ملیۆن دۆلار زیانی بەركەوتوە.
له‌م باره‌یه‌وه نادر ڕۆستی، گوتەبێژی دەستەی گەشتوگوزاری هەرێم رایگەیاند: زیانەكانی كەرتی گەشتیاری لە هەرێمی كوردستان بەهۆی بڵاوبونەوەی ڤایرۆسی كۆڕۆناوە گەیشتۆتە زیاتر لە 200 ملیۆن دۆلارو و بۆ قەرەبووكردنەوەی زیانەكان و گەڕانەوەی بۆ دۆخی پێش بڵاوبونەوەی پەتاكەش زیاتر لە ساڵێك ماوه‌مان پێویستە.
گوتیشی: ئێستا دووبارە ژیان بۆ كەرتی گەشتیاری لە هەرێم گەڕاوەتەوە، بەڵام بە وریایی و گرتنەبەری رێوشوێنێكی توندی خۆپارێزییەوە.
ئاماژەی بەوەشكرد، بەهۆی خراپی دۆخی ئابووری و دواكەوتنی پێدانی مووچەی فەرمانبەران و كەمیی ژمارەی گەشتیاران، هێشتا دۆخی كەرتی گەشتیاری هەرێم لە دۆخێكی پاشەكشێ كردوودایە و بەوەش گرفتی دیكه‌ی لێدەكەوێتەوە لەوانەش زیادبوونی رێژەی بێكاری.
کۆمێنت (0)
تا ئێستا هیچ کۆمێنتێک نەکراوە.