وەزارەتی تەندروستی عیراق ئاماری 24 كاتژمێری تایبه‌ت به ڤایرۆسی كۆرۆنا بڵاوكرده‌وه رایگه‌یاند: له‌م ماوه‌یه‌دا 3481 كه‌س تووشی كۆرۆنا بوونه.
سه‌رله‌ئێواره‌ی ئه‌مرۆ یه‌كشه‌ممه 2020/9/27 وەزارەتی تەندروستی عیراق لە بەیاننامەیەكدا ئاشكرای كرد، لە ماوه‌ی 24 كاتژمێری ڕابردوودا سێ هه‌زار و 481 كه‌سی دیكه تووشی ڤایرۆسی كۆرۆنا بوون.
له به‌یاننامه‌كه هاتووه سێ هه‌زارو 755 تووشبووی كۆرۆنا چاكبوونەتەوە، نه‌خۆشخانه‌كانیان جێهێشتووه.
ڕاشیگەیاندووە، 55 تووشبووی كۆرۆنا گیانیان لەدەستداوە و به‌وه‌ش كۆی گشتی گیانله‌ده‌ستدان گه‌یشه هه‌شت هه‌زار و 990 كه‌س.
کۆمێنت (0)
تا ئێستا هیچ کۆمێنتێک نەکراوە.