دەسەلاتدارانی كۆریای باكوور فەرمانی كرد كە هەر سەربازێكی كۆریا پێویستە بە لایەنی كەم 15 كەروێشك بەخێو بكات .
ئەو داوایەی سوپایەی كۆریای باكوور دەگەڕێتەوە بۆ مانگی رابردوو كە داوای لە سەربازان و خانەوادەكانیان كردووە كە زیاتر كەرویشك بەخێو بكەن وەك سەرچاوەیەكی خواردنی تایبەت بە خۆیان .
مەكتەبی سیاسی سەر بە سوپا روونیكردەوە كە ئەو رێگایە رێگایەكی ئاسانە بۆ ئەوەی وڵات بێ هیچ خەرجیەكی زۆر بتوانێت گۆشت دەستەبەر بكات ئەو فەرمانەش لە سەر پێشنیارو داوای كیم جۆنگ ئاون سەرۆكی كۆریای باكوور بووە.
بەپێی فەرمانەكە تا كۆتایی مانگی ئابی داهاتوو هەموو سەربازانی ئەو وڵاتە فەرمانەكە جێبەجێ دەكەن . ئەمەش وا دەكات قەیران و نەبوونی كەلوپەلی خواردن بۆ هاووڵاتیانی كۆریا تا رادەیەكی زۆر كەم ببێتەوە .
سوهیل تاهیر .... كوردستان تیڤی
کۆمێنت (0)
تا ئێستا هیچ کۆمێنتێک نەکراوە.