به‌پێى هه‌واڵێكى رۆیته‌رز، ئه‌مڕۆ چوارشه‌ممه 4ى ئه‌یلولى 2019، كه‌ناڵی فه‌رمى حكومه‌تى ئێران رایگه‌یاند: حكومه‌تى ئێران ئه‌و 7 كارمه‌نده‌ى ده‌سته‌ى به‌ڕێوەبه‌رى كه‌شتییه به‌ریتانییه‌كه ستیینه ئامپیرۆ ئازاد ده‌كات.
عه‌باس موسه‌وى، وته‌بێژى وه‌زاره‌تى ده‌ره‌وه‌ى ئێران به كه‌ناڵی فه‌رمى وڵاته‌كه‌ى راگه‌یاند: ئه‌و 7 كه‌سه له‌سه‌ر بنچینه‌ى هۆكارى مرۆڤایه‌تى ئازاد ده‌كرێن و به‌م نزیكانه ده‌توانن ئێران به‌جێ بهێڵن.
جێى ئاماژه‌پێدانه ستیینه ئامپیرۆ كه‌شتییه به‌ریتانییه‌كه له 19ی ته‌مموز له‌لایه‌ن ئێرانه‌وه ده‌ستگیركرا و دوو هه‌فته دواى ئه‌و رووداوه به‌ریتانیا كه‌شتییه‌كی نه‌وت هه‌ڵگرى ئێرانى ده‌ستگیركرد له ناوچه‌ى جه‌بل تاریق و دواجار له مانگى ئاب كه‌شتییه‌كه‌ى ئازاد كرد و ئه‌وه‌ش بووه هۆى دروستبوونى گرژى و ئاڵۆزى له نێوان هه‌ردوو وڵاتدا.
ئاماده‌كردن و وه‌رگێڕان/ سیروان عه‌زیز
کۆمێنت (0)
تا ئێستا هیچ کۆمێنتێک نەکراوە.