دەزگای رۆشنبیری و راگەیاندنی پارتی دیموكراتی كوردستان، بەبۆنەی (13)ھەمین ساڵڕۆژی دامەزراندنی (تەلەڤزیۆنی دەلال لە زاخۆ) په‌یامێكی پیرۆزبایی ئاراسته‌ی بەڕێوەبەر و ستافی بەڕێوەبردن و تێكڕای كارمەندانی تەلەڤزیۆنی دەلال كرد ئه‌مه ده‌قه‌كه‌یه‌تی:
بەڕێزان بەڕێوەبەر و ستافی بەڕێوەبردن و تێكڕای كارمەندانی تەلەڤزیۆنی دەلال..
بەبۆنەی (13)ھەمین ساڵڕۆژی دامەزراندنی(تەلەڤزیۆنی دەلال لە زاخۆ) گەرمترین پیرۆزبایی خۆمان ئاراستەی ئێوەی بەڕێز و بینەرانی کەناڵە ئازیزەکەتان دەكەین و، ھیوای هەمیشە بەردەوامی و پێشكەوتنتان بۆ دەخوازین.
تەلەفزیۆنی دەلال، وەكو كەناڵێكی ناوخۆیی لەو دەڤەرە ئازیزەدا، دەسكەوتێكی دیكەی گرنگی پارتیمان بوو بۆ خزمەتگەیاندن بە بواری راگەیاندن و رۆشنبیریی و كوولتوری كوردیی، هەروەها شانبەشانی كەناڵەكانی دیكەی میدیایی هەردەم لە رێی بەرنامە و پرۆگرامەكانیەوە رۆڵی شیاوی خۆی گێڕاوە بۆ داكۆكیكردن لە دۆزەی رەوای گەلەکەمان و پێکەوەژیان و پێشكەوتنی كۆمەڵگە و زمان و ئەدەبیاتی رەسەنی كوردایەتی، بۆیە مایەی رێز و دەستخۆشییە.
لەم بۆنەیەدا وێڕای پیرۆزباییمان، پاڵپشتی و پشتیوانی بەردەوام و تەواوی خۆمان بۆ تەلەفزیۆنی دەلال لە زاخۆ دووپات دەكەینەوە و بە هیواین ساڵی داهاتوو زیاتر پێشبكەون و هەنگاوی زیاتر لە كارەكانتان بنێن و وەکو ھەمیشەش لە خزمەت خەڵک و خواست و داواکارییەکانی دەڤەرەکە و لە ئاست پەیامە نەتەوەیی و نیشتمانییەکانی پارتیمان و بەرنامە خزمەتگوزاریەکەی دابن.
دەزگای رۆشنبیری و راگەیاندنی
پارتی دیموكراتی كوردستان
2019/4/9
کۆمێنت (0)
تا ئێستا هیچ کۆمێنتێک نەکراوە.