هێزێن سووریا دیموكرات د كۆنگره‌یه‌كه رۆژنامه‌ڤانی ده، ئامارێن قۆناغا دوویێ ژ شه‌رێ تێكشكاندنا داعشێ به‌لاڤكرو و ل گوری ئاماران ژی 1306 ته‌رۆرستێن داعشێ هاتنه كوشتن. قۆناغا دووه‌م یا ده‌ستپێكرنا وی شه‌ری ل كانوونا دوویێ یا سالا 2019 ده‌ست پێكریه.
داخویانی ل ده‌ردوورا دێره‌وزوورێ ژبال كینۆ گابرئێل په‌یڤدارێ هه‌سه‌دێ هات خواندن. تێدا په‌یڤدارێ هه‌سه‌دێ بال كشانده سه‌ر وێ یه‌كێ كو هێزێن وان د شه‌ركرن بۆ شكست پێ ئانینا ته‌رۆرزمێ به‌رده‌وامه. هه‌روه‌ها گوت ژی هێزێن مه ل دژی ته‌رورستێن داعشێ سه‌ركه‌فتنێن مه‌زن بده‌ست ئانینه.
هه‌روه‌ها د وێ داخویانیێ ده، هاتیه كو د نه‌هێ كانونا دوویێ یا ئیسال تا ئیرۆ 29600 مالباتێن ته‌رورستێن داعشێ خۆه راده‌ستی هه‌سه‌دێ كریه و د ناڤا وان ده، پێنج هزار چه‌كدارێن ته‌رورستێن داعشێ هه‌نه، هه‌روه‌ها هاتیه ئه‌شكه‌ره كرن كو د ئۆپراسیۆنێن هه‌سه‌دێ ده، 520 ته‌رورستێن داعشێ هاتنه ده‌سته‌سه‌ركرن، د داخویانیێ ده، هاتیه كو 34000 وڵاتیێن مه‌ده‌نی هاتنه رزگاركرن و ژبۆ ناڤچه‌یێن ئه‌وله‌ھ هاتنه ڤه‌گواستن. هه‌ژمارا وان ته‌رورستێن كو د قوناغا دوویێ هاتنه كوشتن هه‌زارو سێسه‌د و شه‌ش ته‌رورست بوونه و هه‌ژماره‌كه زۆر ژی برینداربوونه. هه‌روه‌ها داخویانیێ راگه‌هاندیه كو هه‌شتێ و 2 شه‌رڤان ژی جانێ خۆه ژ ده‌ست دایه و 61 شه‌رڤان ژی هاتنه بریندار كرن.
کۆمێنت (0)
تا ئێستا هیچ کۆمێنتێک نەکراوە.