هاوپه‌یمانی سائیرون داوای ده‌ركردنی هێزه‌كانی ئه‌مریكا له عێراق ده‌كات و داوا ده‌كات كه ده‌سه‌لاتدارانی عێراق به رێككه‌وتننامه ستراتیجیه‌كه‌ی نێوان عێراق و ئه‌مریكادا بچنه‌وه.
له‌مباره‌یه‌وه ئەسعەد عەبدولسادە پەرلەمانتاری ھاوپەیمانی سائروون بە سایتی بەغداد ئەلیەوم رایگەیاند: ھاوپەیمانێتییەكەیان رێككەوتنی ستراتیژی ساڵی 2010ی نێوان عێراق و ئەمەریكا رەتدەكاتەوە و داوای پێداچوونەوە بە رێككەوتنامەكە دەكات.
ئەسعەد عەبدولسادە ئاماژه‌ی به‌وه‌شكرد كه ھیچ وادەیەك بۆ دەرچوونی ھێزەكانی ئەمەریكا لە رێككەوتننامەكەدا دیاری نه‌كراوه، بۆیە پێویستە پێداچوونەوەی بۆ بكرێت و لەماوەیەكی نزیكدا ئەو ھێزانە عێراق بەجێبێڵن.
جێی ئاماژه‌یه داوای هاوپه‌یمانی سائیروون لە کاتێکدایە، چەند پەرلەمانتارێکی عێراق پرۆژه‌یه‌كیان ئاماده كردووه و ده‌یانه‌وێت هێزەکانی ئەمەریکا خاكی عێراق جێبهێلن.
کۆمێنت (0)
تا ئێستا هیچ کۆمێنتێک نەکراوە.