ئه‌نجومه‌نی وه‌زیرانی حكومه‌تی هه‌رێمی كوردستان، بڕیاریدا به‌كه‌مكردنه‌وه‌ی پاشكه‌وتی لیواكانی نه‌وت و گاز كه‌مبكاته‌وه و هاوشێوه‌ی هێزه‌كانی ناوخۆی لێبكرێت.
به‌ختیار بابان به‌رێوه‌به‌ری گشتی پۆلیسی هه‌رێمی كوردستان راگه‌یاند، رەزامەندی لەسەرۆکایەتی ئەنجومەنی وەزیرانی هەرێم وەرگیراوە له‌سه‌ركه‌مكردنه‌وه‌ی ڕێژه‌ی پاشه‌كه‌وتی هه‌ردوو لیوای یه‌ك و دووی نه‌وت و گازی هه‌رێم، کەوا رێژه‌ی پاشه‌كه‌وته‌كه‌یان كه‌مبكرێته‌وە هاوشێوەی هێزەکانی تری ناوخۆ.
بابان گوتیشی: بڕیاری کەم کردنەوەکە لەگەڵ دابەشکردنی موچەی مانگی داهاتوو دەکەوێتە بواری جێبەجێکردنەوە، رێژەی پاشەکەوتی موچەکانیان لە 34٪ەوە کەم دەکرێتەوە بۆ لە 10٪ تاوەکو لە 30٪ بەپێی پلەکانیان.
هه‌ردوو لیوای یه‌ك و دووی نه‌وت و گاز نزیکەی 10 هەزار پۆلیس و ئەفسەر دەبن و سەر بە وەزارەتی سامانە سروشتیەکانی حکومەتی هەرێمن، سەرجەمیان بەبێ جیاوازی پلەکانیان 34٪ی موچەکانیان پاشەکەوت دەکرا.
کۆمێنت (0)
تا ئێستا هیچ کۆمێنتێک نەکراوە.