لەمەودوا لە سلێمانی ڤیزای هیندستان به‌ هاووڵاتیان بازرگانان ده‌درێت

کۆنسوڵخانەی هیندستان لەمەودوا لە شاری سلێمانیش ڤیزا بە بازرگانان و هاووڵاتیان دەدات و پێویست ناکات سەردانی هەولێر بکەن.

كونسوڵخانەی هیندستان نووسینگەیەك لەناو بینای ژووری بازرگانی و پیشەسازیی سلێمانی دەكەنەوەو مانگی دووجار رێوشوێنە یاسایی و كارگێڕییەكانی تایبەت بە پێدانی ڤیزا(پەنجەمۆر و مامەڵەكان) بۆ بازرگانان و هاووڵاتیانی پارێزگاكە ئەنجام دەدەدن
سەرۆكی ژووری بازرگانی و پیشەسازیی سلێمانی، راگەیاند " لە گفتوگۆدایەن لەگەڵ لایەنی هیندستان و لەو قۆناغەداین كە لەمانگێكدا دوو رۆژ دیاری بكەین بۆ پێدانی ئەو خومەتگوزارییە بە بازرگانان و هاووڵاتیان، بەتایبەت راییكردنی مامەڵەی ئەوانەی كە بۆ نەخۆشی سەردانی ئەو وڵاتە دەكەن.
 
سەرۆكی ژووری بازرگانی و پیشەسازیی سلێمانییش رایگه‌یاندووه‌ ئەو هەنگاوە بۆ ئەوەیە كە چیتر هاووڵاتیان و بازرگانان نەچنە هەولێر بۆ رایی كردنی مامەڵەی وەرگرتنی ڤیزا و هەر لەسلێمانی ڤیزاكەی پێبدرێت.

شایه‌نی باسه‌ به‌پێی زانیاریه‌كان نرخی ڤیزای هیندستان بۆ ئەو هاووڵاتیانەی كە نەخۆشیان هەیە (83)دۆلارە، بۆ گەشتوگوزار (103)دۆلارە، بۆ كاری بازرگانی (123)دۆلارە، لەسلێمانیش هەر ئەو نرخە دەبێت.