به‌هۆی چه‌ند كێشه‌یه‌كی ته‌كنیكییه‌وه چه‌ند رۆژێكه غازی چه‌مچه‌ماڵ به‌رێژه‌یه‌كی پێویست نه‌گه‌یشتووه‌ته شاری هه‌ولێر و ده‌وربه‌ری.
له‌مباره‌یه‌وه یه‌كێك له بریكاره‌كانی دابه‌شكردنی غاز به كوردستان24ی راگه‌یاندووه: چه‌ند رۆژێكه بڕی پێویستی بوتڵی غاز نه‌گه‌یشتووه‌ته ده‌ست بریكاره‌كان، به‌ڵام ئه‌مڕۆ كێشه‌كه چاره‌سه‌ر بووه و بڕی پێویست گه‌یشتووه‌ته ده‌ست بریكاره‌كان.
ده‌شڵێت: به‌هۆی دابه‌زینی پله‌ی گه‌رما و ئه‌و كێشانه‌وه، نرخی غاز گۆڕانكاری به‌سه‌ردا هاتبوو، به‌ڵام ئه‌مڕۆ به‌شێوه‌یه‌كی ئاسایی به 6 هه‌زار و 500 دراوه به بریكاره‌كان. ئه‌وانه‌شی به گران ده‌یفرۆشن به‌شێك له بازرگانه‌كانی كۆڵانن.
له چه‌ند رۆژی رابردوو و له هه‌ندێك شوێنی شاری هه‌ولێر، یه‌ك بوتڵی غاز نرخی گه‌یشته 15 هه‌زار دینار، به‌ڵام ئه‌مڕۆ نرخه‌كه‌ی ئاسایی بووه‌ته‌وه.
کۆمێنت (0)
تا ئێستا هیچ کۆمێنتێک نەکراوە.