له رووداوێكی هاتووچۆ له نێوان دوو ئۆتۆمبێلی ته‌كسی و بارهه‌ڵگر، له‌سه‌ر رێگای خه‌بات - هه‌ولێر شوفێری ته‌كسی گیانی له‌ده‌ستدا و شوفێری بارهه‌ڵگره‌كه‌ش برینداربوو.
په‌یامنێری كوردستان تیڤی سالار نامیق پێی راگه‌یاندین كاتژمێر یه‌كی دوای نیوه‌رۆی ئه‌مرۆ له‌سه‌ر رێگای سه‌ره‌كی خه‌بات - هه‌ولێر رووداوێكی هاتووچۆ روویدا به‌هۆی پێكدادانی بارهه‌ڵگرێك و تۆیۆتیا بیكاشۆیه‌كی ته‌كسی كه بووه هۆی گیان له‌ده‌ستدانی شوفێری تاكسیه‌كه به ناوی نادر حاجی محه‌مه‌د و برینداربوونی شوفێری بارهه‌ڵگره‌كه.
نه‌قیب شیمال گۆران له‌به‌رێوه‌به‌ریه‌تی هاتووچۆی خه‌بات به كوردستان تیڤی راگه‌یاند: هۆكاری پێكدادانه‌كه به‌هۆی پێگری نه‌كردنی ڕێمای هاتووچۆ و خێرا لێخورینه‌وه بووه له ئه‌نجامجامدا شوفێری تاكسیه‌كه گیانی له ده‌ستداوه و شوفێری بارهه‌ڵگره‌كه‌ش كه هاووڵاتییه‌كی توركه به سه‌ختی برینداربووه و ڕه‌وانه‌ی نه‌خۆشخانه‌ی فریاكه‌وتنی شاری هه‌ولێر كراوه، به‌پێی زانیارییه‌كانی ئێمه چاره‌سه‌ی پێویستی بۆ كراوه و ئێستا ته‌ندروستی جێگیره.
کۆمێنت (0)
تا ئێستا هیچ کۆمێنتێک نەکراوە.