به‌ڕێوه‌به‌رایه‌تی پۆلیسی گه‌رمیان له ڕاگه‌ێندراوێكدا ڕایگه‌یاند: ئێواره‌ی دوێنێ دووشه‌مه له‌ناحیه‌ی ڕزگاری سه‌ر به قه‌زای كه‌لار باوكێك ویستویه‌تی منداڵه‌كه‌ی خۆی بخنكێنێت كه‌ته‌مه‌نی سێ ساڵ ونیوه.
ڕاشیگه‌یاندووه: له‌ئێستادا منداڵه‌كه له‌به‌شی فریاكه‌وتنی شه‌هید هه‌ژار له‌كه‌لار چاره‌سه‌ری پێویستی بۆكراوه و بۆ جێگیربوونی ته‌ندروستی ڕه‌وانه‌ی نه‌خۆشخانه‌ی سلێمانی كراوه.
پۆلیس ئاماژه‌ی به‌وه‌ش كردووه كه به‌وته‌ی دراوسێكانی ئه‌و هاوڵاتییه نه‌خۆشی ده‌روونی هه‌یه و دوای ئه‌وه‌ی له‌گه‌ڵ ئافره‌تێك زه‌واجی كردوه وجیابونه‌ته‌وه ئه‌م منداڵه له‌نێوانیان دروست بووه دایكی به‌جێی هێشتووه .
هه‌روه‌ها ڕاشیگه‌یاندووه: له‌ئێستادا به‌بڕیاری دادوه‌رو به‌پێی ماده‌ی 405 بڕگه31 باوكی منداڵه‌كه به‌ندكراوه و پۆلیس ده‌ستی به‌لێكۆڵینه‌وه كردووه له‌سه‌ر چۆنیه‌تی ڕووداوه‌كه.
کۆمێنت (0)
تا ئێستا هیچ کۆمێنتێک نەکراوە.