به‌رپرسی نوێنه‌رایه‌تی ئه‌نجوومه‌نی نیشتمانی كورد له سووریا (ئه‌نه‌كه‌سه)، رایده‌گه‌ێنێ، جێگیربوونی پێشمه‌رگه‌ی له‌شكری رۆژ له ناوچه سنوورییه‌كانی باكووری سووریا به هه‌ماهه‌نگی له‌گه‌ڵ توركیا باشترین بژارده و باشترین چاره‌سه‌ره.
نوری بریمۆ له لێدوانێكی به ئاژانسی ئانادۆڵوی راگه‌یاندووه: كاتی ئه‌وه هاتووه ئه‌مریكا گۆڕانكاری به‌سه‌ر سیاسه‌تی خۆی بهێنێت و هاوپه‌یمانه‌كانی بگۆڕێت، ئێستا باشترین هاوپه‌یمان بۆ ئه‌مریكا توركیایه و باشترین بژارده بۆ ئه‌مریكا له سووریا جێگیركردنی پێشمه‌رگه‌ی له‌شكری رۆژی سه‌ربه پێشمه‌رگه‌ی زێره‌ڤانی هه‌رێمی كوردستانه به هه‌ماهه‌نگی وڵاتی توركیا، ئه‌مه سه‌قامگیری بۆ سووریا و ناوچه سنوورییه‌كانی نێوان توركیا و سووریا دێنێته ئاراوه.
هه‌روه‌ها ده‌شڵێت : سه‌رۆك بارزانی له‌مێژه ده‌ستپێشخه‌ری كردووه بۆ ئه‌وه‌ی له‌شكری رۆژ بگه‌ڕێته‌وه بۆ سووریا.
کۆمێنت (0)
تا ئێستا هیچ کۆمێنتێک نەکراوە.